Hewlêr (Rûda) - Li parêzgeha Hatayê ya Tirkiyeyê, 65 koçberên Sûriyeyî hatin desteserkirin û 6 kes jî bi tohmeta qaçaxçîtiyê hatin girtin.
Li gorî agahiyan, tîmên Birêvebiriya Ewlehiyê ya Hatayê, di çarçovoya xebatên rêlibergirtina qaçaxçîtiya mirovan de 4 otomobîl rawestandin û li nava wan geriyan.
Di nav her 4 otomobîlan de 65 koçberên Sûriyeyî û 8 kes jî bi tohmeta qaçaxçîtiya koçberan hatin desteserkirin.
8 welatiyên Tirkiyeyê piştî karên îfadewergirtinê şandin Dadgeha Hatayê.
Dadgehê derbarê 6 kesan biryara girtinê da û 2 kes jî hatin berdan.
65 koçber jî bi armanca dersînorkirinê radestî Birêvebiriya Îdareya Koçê ya Hatayê kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse