Hewlêr (Rûdaw) - Li Stenbolê ji bo 11 endam û rêveberên Partiya Demokratîk a Gelan (HDP) bi hinceta “endamtiya rêxistina terorê” û “propagandaya rêxistina terorê” di navbera salekê heta 12 salan de cezayên girtîgehê hatin dayîn.
Doza ku bi hinceta “endamtî û propagandaya rêxistina terorê” li dijî 11 endam û rêveberên HDPê hatiye vekirin ku hevserokên berê yên wê partiyê yên bajarê Stenbolê Dogan Erbaş û Aysel Guzel jî di nav de ne, duh Pêncşemê 29 Kanûna 2022an li 14emîn Dadgeha Cezayên Giran a Stenbolê hat dîtin.
Heyeta dadgehê di 29mîn civîna dozê de biryara xwe ya li ser dozê eşkere kir û bi hinceta “endamtiya rêxistina terorê” 12 sal û ji ber “propagandaya rêxistina terorê” jî 2 sal û 9 meh û 22 roj cezayê girtîgehê da hevserokê berê yê bajarê Stenbolê yê HDPê Dogan Erbaş.
Dadgehê herwiha bi hinceta “endamtiya rêxistina terorê” 7 sal û 6 meh da hevseroka din a berê ya HDPê ya Stenbolê Aysel Guzel.
Ji bo endamên Encûmena Bajarê Stenbolê yên HDPê Alî Îpeklî, ji endamtî û propgandaya rêxistinê cezayê 7 sal û 9 meh û 22 roj, bo Ayşe Karadag 10 sal û 6 meh, bo Fermez Erkan 9 sal, Muhîttîn Arsalanboga 6 sal û 3 meh, Suleyman Başer 6 sal û 3 meh, Suleyman Ozcan 9 sal û 9 meh û bo Kasim Oba jî 12 sal cezayê girtîgehê hat dayîn.
Dadgehê derbarê Endamê Encûmena HDPê yê Stenbolê Mehmet Tayîp Aslan di dozê de biryara beraeta wî da.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse