Badîn Heso bû şampiyon / Wêne: Rûdaw
Hewlêr (Rûdaw) - Boksorekî Kurd ê Êzidî li Almanyayê di maçeke boksê de bû şampiyon.
Boksorê Kurd ê Êzidî Badîn Heso piştî serkeftina xwe ji Rûdawê re got, "Ev 3 meh in ez xwe amade dikim û vê serkeftinê pêşkêşî hemû gelê Kurdistanê dikim."
Badîn Hesoyê Kurd ê Êzidî li bajarê Oberhausenê yê Almanyayê li hemberî Yasir Ehmed Malikiyê Pakistanî derket rîngê.
Beriya maçê bi dehan Kurd çûn salona maçê û piştgirî da Badîn Heso.
Badîn Heso çend xulekan berî destpêkirina maçê ji Rûdawê re axivî û got:
"Ev 3 meh in ez xwe ji bo vê maçê amade dikim û bi berdewamî li gel rahênerê xwe Yûsif Remezan rahênanê dikim.
Bi piştgiriya Xwedê û Tawisî Melek em dê wî li erdê bidin."
Badîn bi cil û bergên taybet ên ku bi Alaya Kurdistanê hatibûn xemilandin û bi sirûda neteweyî "Ey Reqîb" derket ser rîngê û pêşbirkê dest pê kir.
Piştî rikeberiyeke mezin, di gera sêyem de bokserê Kurd hevrikê xwe têk bir û bi ser ket.
Serkeftina Badîn Heso salon bi aheng û şahiyê tije kir.
Badîn Heso piştî serkeftinê careke din ji Rûdawê re axivî û anî ziman:
"Ez vê şampiyoniyê ji bo gelê Kurd û Kurdistanê û ji bo serokên me Mesûd Barzanî, Nêçîrvan Barzanî û Mesrûr Barzanî dikim diyarî.
Her bijî Kurd û Kurdistan, her bijî çar parçeyên Kurdistanê."
Badîn Heso piştî serkeftina mezin û bidestxistina xelata WBCyê bi Alaya Kurdistanê li gel alîgirên xwe aheng saz kir û dengê def û zirneyê û şahiya Kurdî salon dagirt.
Badîn Îdrîs Heso Zozaniyê 31 salî li navçeya Şêxanê ya Dihokê ji dayîk bûye û Kurdekî Êzidî ye.
Ew lîstikvanekî navdar ê kickboksê ye û ev serkeftina nehem a wî ya îsal e.
#VÎDEO - Boksorê Kurd ê Êzidî li Almanyayê bû şampiyon
— RudawKurdi (@RudawKurdi) October 6, 2025
🥊 Badîn Heso xwediyê rekoreke bêhempa ye
🥊 Badîn 20 caran derketiye rîngê û her 20 caran jî bi ser ketiye
🥊 Badîn Heso: Ez vê şampiyoniyê ji bo gelê Kurd û Kurdistanê û ji bo serokên me Mesûd Barzanî, Nêçîrvan Barzanî û… pic.twitter.com/xDulMR5it2
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse