Hewlêr (Rûdaw) - Amedspora ku hefteyên dawiyê wekî bizotên êgir bû vê hefteyê hezkirên xwe dilxweş nekirin.
Amedspor di hefteya 6emîn a Lîga Yekemîn a Trendyolê de li deplasmanê bi Sakaryasporê re lîst û 2-1 têk çû.
Her du tîman jî bi lez dest bi 45 deqeyên destpêkê kir û hîn di deqeyên ewil de derfetên golan dîtin lê Amedsporê yekem gol tomar kir.
Amedspor xuleka 25an bi gola Mbaye Diagne 1-0 ket pêş.
Sakaryasporê xuleka 44an wekhevî bi dest xist û nîvê yekem ê maçê bi encama 1-1 bi dawî bû.
Sakaryaspor xuleka 66an bi gola penaltiyê 2-1 bi pêş ket û maç bi vê encamê qediya.
Performansa sezonê
Amedspora ku di bin rahêneriya Mehmet Altiparmak de ye destpêka sezonê li hemberî Çorum FKyê 2-0 têk çûbû.
Pişt re tîm bi Erzurumsporê re 2-2 wekhev ma û li pey wê bi serkeftinên li hemberî Sivassporê (4-2), Adana Demirsporê (8-1) û Pendiksporê (2-1) rêya xwe domand.
Amedspor niha bi 10 puanan di rêza 7an de ye.
Amedspor dê 25ê Îlonê li mala xwe bi Sariyerê re bilîze.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse