Amedsporê ji Bolusporê derbek xwar: Nahît Eren hat ser xetê

Hewlêr (Rûdaw) - Serokê Amedsporê Nahît Eren piştî têkçûna 4-1 a li deplasmana Bolusporê daxuyanî da û got, “Em berpirsyariya xwe dizanin.”

Amedspor di maça deplasmanê ya li hemberî Bolusporê de pêşî 1-0 bi pêş ket lê di dawiyê de 4-1 têk çû û vegeriya malê.

Li aliyê din, xuleka 45an di êrişa Bolusporê de lîstikvanê Amedsporê Felix li qada cezayê lîstikvanê dijber xist erdê.

Felix ji karta zer a duyem karta sor dît û Amedspor 10 kes ma.

Nahît Eren: Em berpirsyariya xwe dizanin

Serokê Amedsporê Nahît Eren piştî têkçûnê li ser medyaya civakî daxuyanî da û got:

“Me îro xwest ku em şahiya serkeftinê bi alîgirên xwe bidin jiyîn; mixabin nebû.

Em berpirsyariya xwe dizanin.

Em dê kêmasiyên xwe temam bikin û bihêztir rêya xwe bidomînin. Em dê bi ser bikevin.”

Bugün taraftarımıza galibiyet sevinci yaşatmak isterdik; maalesef olmadı.
Sorumluluğumuzun farkındayız. Eksiklerimizi tamamlayıp yolumuza daha güçlü devam edeceğiz.
Başaracağız. 💚❤️ https://t.co/ntrjKuQtfv

— Nahit Eren (@av_nahiteren) November 22, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger