Hewlêr (Rûdaw) - Stadyuma Bajarê Wanê mazûvaniya Derbiya Bakur ango maça Vanspor û Amedsporê bi kelecan kir.
Alîgirên Vansporê bi taybetî di nîvê duyem ê maçê de bi golên hatin avêtin kêliyên xweş derbas kirin.
Nîvê yekem bê gol bi dawî bû
Nîvê yekem ê maçê ku bi awayekî hevseng û bi tedbîr dest pê kir, bi encama 0-0 bi dawî bû.
Her çend her du tîman jî hinek derfetên golan bi dest xistin jî qelewanan erka xwe bi cih anîn û rê nedan ku tor bihejin.
Vanspor di nîvê duyem de bû wekî bizot
Lîstikvanên Vansporê di nîvê duyem de, bi awayekî cuda derketin qadê û kontrola lîstikê bi temamî xistin destê xwe.
Tîma sor-reş, bi 3 golên li pey hev derfet neda reqîbê xwe û bi serkeftineke berçav ji qadê veqetiya.
Stadyum bû wekî qada karnavalê
Vansporê piştî 5 maçan cara yekem serkeftin bi dest xist.
Bi piştgiriya alîgirên Vansporê, stadyum veguherî qada karnavalê.
Di maça ku 90+7 deqeyan berdewam kir de, her du tîman jî mînakeke "fair-play"ê wekî du tîmên Bakurê Kurdistanê nîşan da.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse