Hewlêr (Rûdaw) - Wezareta Parastinê ya Rûsyayê ragihand ku wan li herêmên Xarkîv, Dnîpropetrovsk û Donetskê yên Ukraynayê 3 deverên din xistine bin kontrola xwe.
Wezareta Parastinê ya Rûsyayê di daxuyaniyekê de derbarê çalakiyên artêşa Rûsyayê yên li Ukraynayê agahî dan û ragihand ku wan 3 deverên niştecihbûnê kontrol kirine û got:
"Hêzên me Dvureçanskoya li herêma Xarkîvê, Gaya li herêma Dnîpropetrovskê û Platonovkaya li Komara Gel a Donetskê rizgar kirin."
Di daxuyaniyê de her wiha hat diyarkirin ku 36 dronên Ukraynayê ji aliyê sîstemên parastina asmanî ve li ser herêmên cuda yên Rûsyayê hatine bêbandorkirin.
Wezareta Parastinê ya Rûsyayê doh jî ragihandibû ku wan li herêma Zaporîjyayê deverên niştecihbûnê yên Rovnopolye û Malaya Tokmaçkayê xistine bin kontrola xwe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse