جارێکی دیکە ناوی ئاگیت کەبایەل، بۆکسێنەری ناوداری کورد، لە شاری ئۆبەرهاوزنی ئەڵمانیا چووەوە نێو مێژووی وەرزشیی ئەو وڵاتە. کەبایەل لەبەردەم 13 هەزار هاندەردا، سەرکەوتنێکی گەورەی بەسەر رکابەرە پۆڵەندییەکەیدا بەدەستهێنا.
نێرۆز هۆری، ژنێکی هونەرمەندی خەڵکی عەفرینە و لە هۆڵەندا نیشتەجێیە، لە رێگەی کاری ئەنیمەیشنەوە کولتوور و بەرخودانی خەڵکی شارەکەی و جلوبەرگی کوردی دەناسێنێت.
سووریایەکی نوێ چۆن دەبێت و دەرفەتەکانی گەڕانەوەی پەنابەران چین؟ لەمیا قەدوور، ئەندامی پارتی سەوز لە پەرلەمانی ئەڵمانیا (کە خۆیشی بە بنەچە سووریاییە)، لەگەڵ شاندێک کە یۆهان ڤادەفوول، وەزیری دەرەوەی ئەڵمانیاشی تێدابوو، چوونە سووریا، بۆئەوەی لەنزیکەوە هەڵسەنگاندن بۆ رەوشی ئەوێ بکەن، ڤادەفوول پاش سەردانەکە رایگەیاند، "رەوشی سووریا لە دۆخی ئەڵمانیای ساڵی 1945 خراپترە."
لە کۆڵنی ئەڵمانیا، دووەمین فێستیڤاڵی فیلمی کوردی بەڕێوەدەچێت. لە سێیەم رۆژی فێستیڤاڵەکەدا، میوانان بەشدارییان لە پرۆگرامێکی رەنگیندا کرد و سینەمای کوردی لە ئەڵمانیا خرایەڕوو.
سیبەر ئەفەندی، کچێکی کوردی تەمەن 27 ساڵ و خەڵکی کۆبانێیە، لە 2016ـەوە لە هۆڵەندا دەژی و ئێستا رووی لە جیهانێکی نوێ کردووە؛ جیهانی مۆدە و دیزاین، ئەو، بە رەنگە تایبەتەکانی خۆی دەیەوێت رێچکەکانی مۆدە بشکێنێت و بە روانینێکی جیاوازەوە سەیری ئەم بوارە بکات، ئەو لەبارەی خۆیەوە دەڵێت: "سیبەر رەنگاوڕەنگە".
وێنەکێشێکی 19 ساڵانی خەڵکی شاری عەفرین، دەوروبەری خۆی بە هونەرەکەی رازندووەتەوە، ئیدریس عەفرینی بە بەلەمێکی چووپ گەیشتووەتە ئەورووپا، ئەمڕۆ تابلۆکانی دیوارەکانی قوتابخانەکەی دەڕازێننەوە، ئەوەی وەکو شتێکی نائاسایی دەردەکەوێت، نەجامی ئازایەتی، لێهاتوویی و دیسیپلینێکی بێسنوورە، لەنێوان رەنگ و خەیاڵەکاندا.
بەکارهێنانی جگەرەی ئەلیکترۆنی لەنێو گەنجاندا بووەتە ترێند و وەک شەپۆلێکی نوێی ئاڵوودەبوون بە نیکۆتین ناودەبرێت.
لە دیاسپۆرا و لە دووریی هەزاران کیلۆمەتر لە وڵات، کوردانی تاراوگە دڵیان لەلای خوشک و براکانیانە. لە ئەڵمانیا جڤاکی کوردی لە رێگەی کۆمەڵە کوردییەکانەوە دەستی یارمەتی بۆ رۆژئاوای کوردستان درێژ دەکەن. یەکێک لە چالاکترین ئەو ناوەندانە، کۆمەڵەی کوردانی لیڤەرکۆزنە، کە لە ساڵی 2017وە بەبێ ماندووبوون کاری بۆ کۆکردنەوەی یارمەتی کردووە
رۆژی یەکشەممە 28ی ئەیلوولی 2025 لە شاری کوێلن گەڕی دووەمی هەڵبژاردنی سەرۆکی گەورەشارەوانی بەڕێوەدەچێت، لە گەڕی یەکەمدا هیچ بەربژێرێک نەیتوانی زۆرینەی دەنگەکان بهێنێت. بێریڤان ئایماز، کە کوردە، زۆرترین دەنگی هێنا، بەڵام نەیتوانی بە گەڕی یەکەم ببێتە سەرۆکی شارەوانی
لە هەرێمی نۆردراین ڤێستفاڵن هەڵبژاردنە خۆجێییەکان کران، ژمارەیەکی زۆر کورد بەربژێر بوون و بەشێکی کەمیان سەرکەوتن، هەندێکیشیان مانەوە بۆ خوولی داهاتوو کە رۆژی 28ی ئەم مانگە دەکرێت
لە شاری مونستەر، وەکو سەرجەم هەرێمی نۆردڕاین ڤێستفالن لە ئەڵمانیا، هەڵبژاردنی شارەوانی و ئەنجوومەنی ئینتیگراسیۆن بەڕێوەدەچێت. ناوی لیستێکیان گلۆبەڵ، واتە "جیهانی". تایبەتمەندییەکەی ئەوەیە لە 24 نەتەوەی جیاواز بەربژێری هەیە و کوردیش یەکێکیانە.
لە شاری مونستەر، وەکو سەرجەم هەرێمی نۆردڕاین ڤێستفالن لە ئەڵمانیا، هەڵبژاردنی شارەوانی و ئەنجوومەنی ئینتیگراسیۆن بەڕێوەدەچێت. ناوی یەکێک لە لیستە بەربژێرەکان گڵۆباڵە، واتە "جیهانی"؛ تایبەتمەندییەکەی ئەوەیە کە 31 بەربژێر لە 24 نەتەوەی جیاواز لەخۆدەگرێت
شەشەمین فێستیڤاڵی نێودەوڵەتیی کۆبانێ بۆ فیلم بەڕێوەدەچیت و سێ رۆژ دەخایەنێت و بە بەرنامەیەکی دەوڵەمەند و رەنگین پێشوازی لە میوانەکانی دەکات.
لە ناوەندێکدا منداڵان فێری بیرکاری، ئینگلیزی، فیزیک و چەندین بابەتی دیکە دەبن، ناوەندەکە، کە ناوەکەی بە کوردی دەبێتە "بژاردەی ژیرانە"، لە چوار شاری ئەڵمانیادا لقی هەیە و دەرفەت بۆ هەموو منداڵێک دەڕەخسێنێت تاوەکو زانیاریی نوێ بەدەست بهێنێت و بەسەر ئاستەنگەکانی خوێندندا زاڵ بن.
هەموو ساڵێک لە بەهاردا، فێستیڤاڵی کولتوور و هونەری کوردی لە بەرلین بەڕێوە دەچێت، ئەمساڵیش کۆمەڵەی میتانی سەرنجێکی زۆر تایبەتی خستووەتە سەر رۆژئاوای کوردستان.
