ئیڤا ماریا میشێلمان، رۆژنامەڤانی ئەڵمانی، کە چەند ساڵێک لە رۆژئاوای کوردستان نیشتەجێ بوو و راپۆرتی لەسەر دۆخی رێڤەبەریی خۆسەر، مافەکانی ژنان و ژیانی رۆژانەی خەڵک ئامادە دەکرد، 67 رۆژە بێسەروشوێنە.
لە شاری کاسڵی ئەڵمانیا، لە سەرەتای ساڵی 2026 نانەواخانەیەک بە ناوی "زین تەنوور" کرایەوە، ناوەکەی لە داستانی "مەم و زین" وەرگیراوە و هەموو کارمەندەکانی کوردن.
بۆ تاوتوێکردنی پلاندانانی شار و گەشەپێدانی هەرێمی، کۆنفرانسی نێودەوڵەتیی (REALCORP) لە شاری ڤییەننای پایتەختی نەمسا بەڕێوەدەچێت، کە تێیدا لە کۆی 300 شارەزا، نزیکەی 40 شارەزا و ئەکادیمیستی هەرێمی کوردستان بەشدارن.
پەرلەمانی نۆردراین ڤێستفاڵنی ئەڵمانیا، پڕۆژەبڕیارێکی بۆ پشتگیریکردنی بزووتنەوەی دیموکراسی لە ئێران و پاراستنی پەنابەران پەسندکرد. بێریڤان ئایماز، جێگری سەرۆکی پەرلەمانەکە رایگەیاند، "دەبێت ئاسایشی ئۆپۆزیسیۆنی ئێرانی و کورد لە ئەڵمانیا بپارێزرێت."
لە شاری دۆرتمۆندی ئەڵمانیا، تەنیا کورد خۆپیشاندان ناکەن، بەڵکو هاووڵاتییانی ئەڵمانیش هاتوون تاوەکو هاوسۆزیی خۆیان نیشان بدەن. ئەوان دەڵێن ئەوەی روودەدات پرسی مافی مرۆڤ و بەرپرسیارێتیی سیاسییە.
جارێکی دیکە ناوی ئاگیت کەبایەل، بۆکسێنەری ناوداری کورد، لە شاری ئۆبەرهاوزنی ئەڵمانیا چووەوە نێو مێژووی وەرزشیی ئەو وڵاتە. کەبایەل لەبەردەم 13 هەزار هاندەردا، سەرکەوتنێکی گەورەی بەسەر رکابەرە پۆڵەندییەکەیدا بەدەستهێنا.
نێرۆز هۆری، ژنێکی هونەرمەندی خەڵکی عەفرینە و لە هۆڵەندا نیشتەجێیە، لە رێگەی کاری ئەنیمەیشنەوە کولتوور و بەرخودانی خەڵکی شارەکەی و جلوبەرگی کوردی دەناسێنێت.
سووریایەکی نوێ چۆن دەبێت و دەرفەتەکانی گەڕانەوەی پەنابەران چین؟ لەمیا قەدوور، ئەندامی پارتی سەوز لە پەرلەمانی ئەڵمانیا (کە خۆیشی بە بنەچە سووریاییە)، لەگەڵ شاندێک کە یۆهان ڤادەفوول، وەزیری دەرەوەی ئەڵمانیاشی تێدابوو، چوونە سووریا، بۆئەوەی لەنزیکەوە هەڵسەنگاندن بۆ رەوشی ئەوێ بکەن، ڤادەفوول پاش سەردانەکە رایگەیاند، "رەوشی سووریا لە دۆخی ئەڵمانیای ساڵی 1945 خراپترە."
لە کۆڵنی ئەڵمانیا، دووەمین فێستیڤاڵی فیلمی کوردی بەڕێوەدەچێت. لە سێیەم رۆژی فێستیڤاڵەکەدا، میوانان بەشدارییان لە پرۆگرامێکی رەنگیندا کرد و سینەمای کوردی لە ئەڵمانیا خرایەڕوو.
سیبەر ئەفەندی، کچێکی کوردی تەمەن 27 ساڵ و خەڵکی کۆبانێیە، لە 2016ـەوە لە هۆڵەندا دەژی و ئێستا رووی لە جیهانێکی نوێ کردووە؛ جیهانی مۆدە و دیزاین، ئەو، بە رەنگە تایبەتەکانی خۆی دەیەوێت رێچکەکانی مۆدە بشکێنێت و بە روانینێکی جیاوازەوە سەیری ئەم بوارە بکات، ئەو لەبارەی خۆیەوە دەڵێت: "سیبەر رەنگاوڕەنگە".
