رووداو دیجیتاڵ
نرخی نەوت ئەمڕۆ پێنجشەممە بەهۆی هێرشە نوێیەکانی ئۆکراینا بۆ سەر دامەزراوە نەوتییەکانی رووسیا بەرزبووەوە.
نرخی نەوتی برێنتی دەریای باکوور 24 سەنت بەرزبووەوە و بە 62 دۆلار و 91 سەنت مامەڵەی پێوەکرا.
نەوتی سووکی تەکساسی ئەمریکاش 29 سەنت بەرزبووەوە و بە 59 دۆلار و 24 سەنت مامەڵەی پێوەکرا.
هەرچەندە تووندبوونەوەی هێرشەکانی ئۆکراینا بۆ سەر دامەزراوە نەوتییەکانی رووسیا پاڵپشتی بۆ نرخەکانی نەوت دروستکردووە، بەڵام بەهۆی لاوازی بنەماکانی بازاڕی نەوت کە خستنەڕووی زۆر و کەمی خواست لەخۆ دەگرێت، نرخەکانی نەوت نەیانتوانیوە بەرزبوونەوەی بەرچاو بەخۆیانەوە ببینن.
سەرچاوەیەکی ئۆکراینی پشتراستیکردووەتەوە کە هێرشیان کردووەتە سەر بۆریی نەوتی ( درۆژبا) کە نەوت دەگوازێتەوە بۆ هەردوو وڵاتی هەنگاریا و سلۆڤاکیا.
بەپێی کۆمپانیای راوێژکاری کێپلەر، هێرشەکانی ئۆکراینا بۆ سەر دامەزراوە نەوتییەکانی رووسیا بووەتە هۆکار بۆ کەمبوونەوەی توانای پاڵاوتگەکانی رووسیا لە رۆژانە 5 ملیۆن بەرمیلەوە بۆ تەنیا 335 هەزار بەرمیل.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ