رووداو دیجیتاڵ
ئەمڕۆ پێنجشەممە، نرخی ئۆنسەیەک زیو 0.29٪، یاخود 14 سەنت دابەزی و بە 48.34 دۆلارە.
بەم پێیە ئێستا لە بازاڕەکانی جیهان کیلۆیەک زیو بە 1,554 دۆلارە.
لە یەک هەفتەی رابردوودا، نرخی زیو 10٪ دابەزیوە کە دەکاتە 6 دۆلار و، لە ئاستی 54 دۆلارەوە هاتووەتە ئاستی 48 دۆلار.
بازرگانان پێیانوایە بەرزبوونەوەی ماوەی رابردووی زیو بەهۆی ئەوە بووە کە گەیشتبووە ناوچەی کڕینی لەڕادەبەر و ئێستا دۆخەکە ئاسایی بووەتەوە.
ئاماژەکانی هێوربوونەوەی گرژییە بازرگانییەکانی نێوان ئەمریکا و چین، نرخی زیویان دابەزاندووە.
ئێستا بازرگانان چاویان لەسەر داتاکانی هەڵاوسانی ئەمریکایە بۆ مانگی رابردوو، کە بڕیارە کاژێر 15:30ـی رۆژی هەینی بەکاتی هەولێر بڵاوبکرێتەوە. لە مانگی ئابدا هەڵاوسان 2.9٪ بووە.
لە کۆتایی ئەم مانگەشدا، بانکی ناوەندیی ئەمریکا بڕیاری نوێی خۆی لەبارەی رێژەی سوودی بانکییەوە رادەگەیێنێت و پێشبینی دەکرێت 0.25٪ کەمی بکاتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ