رووداو دیجیتاڵ
نرخی زێڕ بەرەبەیانی ئەمڕۆ دووشەممە بە دابەزین کرایەوە و ئۆنسەیەکی لە نزیک 4050 دۆلار مامەڵەی پێوەکرا.
لە ماوەی 3 کۆبوونەوەی بازاڕدا نرخی زێڕ نەیتوانیوە خۆی راستبکاتەوە و ئاستی 4075 دۆلار دەربازبکات.
بازرگانان چاوەڕێی بڵاوبوونەوەی ئامارەکانی پەیوەست بە نرخەکانی وردەفرۆشی و کۆفرۆشی لە ئەمریکا دەکەن کە بڕیارە سبەی سێشەممە بڵاوببنەوە.
جۆن ویلیەمز، بەڕێوبەری لقی نیویۆرکی بانکی ناوەندیی ئەمریکا هەفتەی رابردوو رایگەیاند، "بانکی ناوەندی دەتوانێت مانگی داهاتوو سوودی بانکی دابەزێنێت و خەمی بەرزبوونەوەی هەڵاوسانیشی نەبێت."
لێدوانەکانی جۆن بوونەتە هۆکار بۆ ئەوەی بازرگانان ئێستا چانسی زیاتر بدەنە ئەگەری کەمکردنەوەی سوودی بانکی و 74٪ـی بازرگانان پێیانوایە کە مانگی داهاتوو سوودی بانکی کەم دەکرێتەوە.
کەمکردنەوەی سوودی بانکی بەشێوازی نەریتی پاڵپشتی بۆ نرخی زێڕ و کانزاکانی دیکە دروستدەکات و لە بەهای دۆلار کەم دەکاتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ