مۆنیكا وازی هێنا

رووداو- هەولێر

كچە گۆرانیبێژی كورد مۆنیكا زاهیر رایگەیاند واز لە گۆرانیگوتن دێنێ‌ و ژیانێكی نوێ‌ دەستپێدەكات.

مۆنیكا زاهیر لە رێگەی (رووداو)ەوە هەواڵی وازهێنانی خۆی لە گۆرانیگوتن بڵاودەكاتەوە و دەڵێت "دەمێكە بیر لەوە دەكەمەوە واز لە گۆرانیگوتن بێنم و ژیانێكی نوێ‌ دەستپێبكەم، دواجاریش بڕیارم دا واز بێنم و پەشیمانیش نیم لەو چەند گۆرانییەی تۆمارم كردوون".

مۆنیكا هۆكاری وازهێنانەكەی روونكردەوە و گوتی "هەموو كەسێك هۆكارێكی هەیە بۆ ئەوەی واز لە پیشەیەك یان لە هونەرەكەی بێنێ، منیش بەهۆی ئەوەی شووم كردووە، پێم باش بوو واز لە گۆرانیگوتن بێنم و ژیانێكی تازە هەڵبژێرم".

مۆنیكا خوشكی گۆرانیبێژ لۆكە زاهیرە و یەكێك بوو لە قوتابییەكانی ئاوازدانەر هەڵكەوت زاهیر.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger