رۆژین گەدۆ، ھونەرمەندی رۆژئاوای کوردستان
رووداو دیجیتاڵ
رۆژین گەدۆ، ھونەرمەندی رۆژئاوای کوردستان، دوای دابڕانێک نوێترین بەرھەمی بەناوی ''تو بچە و ژ ڤر ھەرە'' بەشێوەی ڤیدیۆکلیپ بڵاودەکاتەوە.
رۆژین گەدۆ، بە تۆڕی میدیایی رووداوی راگەیاند، ئەم بەرھەمەی لەدوای ماوەیەک دابڕان لە کاری ھونەری بڵاودەکاتەوە کە لە تێکست و ئاوازی فەریدوون ئەحبابە و سەمیر حوسێن کاری تۆمارکردن ستۆدیۆی بۆ کردووە.
ئاماژەی بۆ ئەوەشکرد، ئەم بەرھەمە لە وێنەگرتنی ڤیدیۆ دۆست و سلێمان کەنۆیە و کاری مۆنتاژ و دەرھێنانی لەلایەن مۆرۆ جان کراوە و لە ئەڵمانیا وێنەگیراوە و بۆ یەکەمجار لە رێگەی رووداو بڵاودەکرێتەوە. گوتیشی، لیان و رۆناز ھەردوو کچەکەی لەم بەرھەمەیدا ھاوکاری بوونە و وەک کۆرس بەشدرابوونە.
روونیشیکردەوە، بەھۆی نەبوونی پاڵپشتی بۆ ماوەیەک لە کاری ھونەری دوورکەوتەوە، بەڵام لە دەستپێکی ساڵی داھاتووەوە بەنیازە چەند بەرھەمێکی نوێ بڵاوبکاتەوە.
رۆژین گەدۆ، خەڵکی قامشلۆی رۆژئاوای کوردستانە و لە منداڵییەوە گۆرانی گوتووە و خاوەنی سێ گۆرانییە و ' تو بچە ژ ڤر ھەرە' یەکەم ڤیدیۆکلیپیەتی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ