هەڵەیەک روویدا! دووبارە هەوڵبدە
رووداو- دیجیتاڵ
پزیشکانی بەریتانیا رایدەگەیێنن بەهۆی بڵاوبوونەوەی کۆرۆنا نزیکەی ملیۆنێک خانمی بەریتانی پشکنینی پێشوەختەی شێرپەنجەی مەمکیان پشتگوێخراوە.
پزیشکە بەریتانییەکان لە راپۆرێکدا کە لە ماڵپەڕی (BBC) بڵاوکراوەتەوە دەڵێن، لە مانگی ئاداراوە ئەنجامدانی پشکنینی پێشوەختە مەمک بۆ خانمان راگیراوە و سەنتەری نیشتیمانی بەریتانی فۆکەسی خستووەتە سەر بەرەنگاربوونەوەی کۆرۆنا.
بارۆنێس دێلیس مۆرگان، بەڕێوەبەری دەزگای (Breast Cancer Now) دەڵێت، ئێمە لەوە تێدەگەین کە بەهۆی کۆرۆنا پشکنینەکانی پێشوەختەی مەمک راگیراون و فۆکەس لەسەر بەرەنگاربوونەوەی ڤایرۆسەکەیە، بەڵام ئێستا دەبێت دووبارەی پرۆگرامەکانی پشکنین دەستپێبکەنەوە، هەموو خانمێک دەبێت پشکنینەکەی بۆ بکرێت.
بەگوێرەی داتاکانی راپۆرتەکە، تاوەکو ئێستا 986 هەزار خانم لەم دۆخەی بڵاوبوونەوەی ڤایرۆسی کۆرۆنا لە پشکنینی پێشوەختەی مەمک بێبەشبوونە، هەروەها ئاماژەبەوەش کراوە ساڵانە لەو وڵاتە 19 هەزار حاڵەتی شێرپەنجەی مەمک لەو پشکنینانەوە دەستنیشاندەکرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ