هەڵەیەک روویدا! دووبارە هەوڵبدە
رووداو - تەندروستی
پسپۆڕێکی نەخۆشییەکانی منداڵان ئاشکرای دەکات، رەورەوە کەوتنە سەرپێی منداڵ دوادەخات.
د. ئەمینە تەها، پسپۆڕی نەخۆشییەکانی منداڵان دەڵێت: مەرج نییە هەموو منداڵێک لە تەمەنی یەک ساڵیدا بکەوێتەسەر پێ، بەڵکو ئەوە لە منداڵێکەوە بۆ منداڵێکی دیکە دەگۆڕێت.
ئەو پسپۆڕە چوار هەڵەتێگەیشتن لەبارەی کەوتنە سەر پێی منداڵ راستدەکاتەوە بەم شێوەیە؛
''منداڵ لە تەمەنی یەک ساڵیدا پێویستە بروات''
گەشەکردنی جووڵە لە منداڵێکەوە بۆ منداڵێکی دیکە دەگۆڕێت، هەندێک منداڵ لە 10 مانگیدا زوو پێدەگرن، هەندێکی دیکە تاوەکو تەمەنی 18 مانگی بە پێ دەڕۆن و ئەمەش شتێکی ئاساییە.
''ئەو منداڵەی زوو دەست بە ددان هاتن بکات، درەنگ پێ دەگرێت''
منداڵ لەوانەیە لە تەمەنی 5 بۆ 7 مانگیدا ددانەکانی دروستبێت و لەوانەیە لە تەمەنی چوار مانگیدا زووتر دەربکەون، دەرکەوتنیان ئاماژەیە بۆ تەندروستی منداڵ و هیچ پەیوەندییەکیان بە گەشەکردنی رۆیشتنەوە نییە.
''بەکارهێنانی ئامێری رۆیشتن (رەورەوە) یارمەتیدەرە بۆ فێربوونی رۆیشتن''
دانانی منداڵەکە لەناو رەورەوە دەبێتەهۆی دواکەوتنی رۆیشتن، چونکە منداڵەکە پشتی پێدەبەستێت و بەم شێوەیە هەرگیز زوو ناڕوات یان زۆرجار لە سەر نووکی پێ دەڕوات.
''پێڵاو یارمەتیی منداڵ دەدات بۆ رۆیشتن''
لێکۆڵینەوەکان دەریدەخەن رۆیشتن بە پێی رووت لەکاتی فێربوونی رۆیشتن باشتر و تەندروستترە لە بەکارهێنانی پێڵاو بەتایبەت بۆ ئەو منداڵانەی کە تازە فێری رۆیشتن دەبن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ