FDA قەترەیەک بۆ چارەسەری لێڵبوونی بینینی تەنە نزیکەکان پەسەنددەکات

رووداو- هەولێر

دەزگای خۆراک و دەرمانی ئەمریکی قەترەیەکی چاو پەسەنددەکات کە چارەسەری لێڵبوونی بینینی تەنە نزیکەکان بەهۆی تەمەنەوە دەکات. 

بەگوێرەی دەزگای خۆراک و دەرمانی ئەمریکی قەترەی Vuity دەتوانێت لێڵبوونی نزیکبینی تەنەکان لەدوای تەمەنی 40 ساڵان بکات، کە گرفتێكی بەربڵاوە و زۆرکەس لەدوای 40 ساڵان تووشدەبن و ناتوانن فۆکەس لەسەر تەنە نزیکەکان بکەن. 

دەزگا ئەمریکییەکە روونیدەکاتەوە قەترەکە ماددەی پایلۆکارپینی تێدایە کە بیلبیلەی چاو تەسکدەکاتەوە، لەدوای ١٥ خولەک دەست بە کارکردن دەکات و بۆماوەی ٦ کاژێر کاریگەرییەکەی بەردەوامدەبێت، هیچ کاریگەری لەسەر بینینی مەودا درێژ نابێت. 

توێژینەوەی زۆر لەسەر کاریگەری دەرمانەکە بەر لە پەسەندکردنی لەلایەن دەزگای خۆراک و دەرمانی ئەمریکی کراون، 750 کەسی سەروو 40 ساڵان بەشداربوونە کە دەرکەوتووە بەشێكی زۆری ئەوانەی قەترەکەیان پێدراوە توانیویانە بەڕوونی بخوێننەوە. 

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger