هەڵەیەک روویدا! دووبارە هەوڵبدە
رووداو - تەندروستی
بەگوێرەی دەزگای خزمەتگوزارییەکانی سەلامەتیی خۆراکی ئەمریکی، باشترین بژاردە بۆ دروستکردنی ماسوولکە و کێشدابەزاندن خواردنی سینگی مریشکی کوڵاوە، بەڵام بە مەرجێک!
پسپۆڕانی بواری تەندروستی و سەلامەتیی خۆراکی USDA ئاشکرای دەکەن، سینگی مریشک دەوڵەمەندە بە (ڤیتامینەکانی B، بەرهەمهێنەرەکانی وزە، یارمەتیدەرە لە هەڵمژینی ڤیتامینەکانی A، D، E، K و پاشانیش بڕێکی زۆر لە پڕۆتینی تێدایە). بەڵام ئەوەش دەڵێن کە پێویستە بەبێ پێست و بە کوڵاوی بخورێت، نەک لەنێو رۆن سووربکرێتەوە.
رانی مریشکیش دەوڵەمەندە بە ئاسن و زینک کە رۆڵیان لە بەهێزکردنی سیستمی بەرگریی جەستە هەیە و ئەو بڕە پڕۆتینەی تێیدایە گرنگە بۆ گەشەکردنی ماسوولکەکان، بەڵام لەبەر ئەوەی چەورییەکی زیاتری تێدایە، ئەوا هەرسکردن قورس دەکات و ئەگەری قەڵەوبوون زیاد دەکات.
پسپۆڕان هۆشداری دەدەن کە ئەگەر ئامانج لە دابەزاندنی کێش بێت، ئەوا بە زۆری سینگی مریشک بخورێت، بەڵام بەبێ خواردنی پێستی مریشک و باشتریشە بە کوڵاوی بێت.
جیاوازیی نێوان سینگی مریشکی بێ پێست لەگەڵ رانی مریشکی بێ پێست
100 گرام سینگی مریشک ئەمانەی تێدایە
- نزیکەی 165 کالۆری
- نزیکەی 30 گرام پڕۆتین
- نزیکەی 3.5 گرام چەوری
- هیچ کاربۆهیدراتی تێدا نییە
100 گرام رانی مریشک ئەمانەی تێدایە
- نزیکەی 200 کالۆری
- نزیکەی 20 گرام پڕۆتین
- نزیکەی 15 گرام چەوری
- هیچ کاربۆهیدراتێکی تێدا نییە
ئەو کەسانەشی دەیانەوێت چێژ لە خۆراکەکە ببین و بۆماوەیەکی زۆریش هەست بە تێربوون بکەن، ئەوا رانی مریشک بەبێ پێست بخۆن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ