رووداو دیجیتاڵ
د. زۆڵت هیگیدۆس، پزیشکێکی پێشووی سیستمی تەندروستیی بەریتانیا (NHS)ـە، بەهۆی سەمایەکی پڕ لە حەماسەت و لێدانی گیتاری خەیاڵی لە رێوڕەسمێکی سیاسییدا ناوبانگی دەرکرد، ئێستا وەک وەزیری نوێی تەندروستیی هەنگاریا دەستبەکاربووە.
دوای ئەوەی پارتی "تیزا" بە سەرۆکایەتیی پیتەر مایار، سەرکەوتنی لە هەڵبژاردنەکاندا بەدەستهێنا و کۆتایی بە دەسەڵاتی 16 ساڵەی ڤیکتۆر ئۆربان هێنا، دکتۆر هیگیدۆس بە سەمایەکی تایبەت لەبەردەم پەرلەمانی هەنگاریا، بووە سیمبولی خۆشی و گۆڕانکاری لە وڵاتەکەدا و گرتە ڤیدیۆییەکەی بە خێرایی لە تۆڕە کۆمەڵایەتییەکاندا بڵاوبووەوە.
دکتۆر هیگیدۆس پزیشکێکی پسپۆڕی ئێسک و شکانە و لە ساڵی 1994 بڕوانامەی پزیشکیی لە زانکۆی سێمێ لوێس لە بوداپێست بەدەستهێناوە، بۆ ماوەی 10 ساڵ لە سیستمی تەندروستیی نیشتمانیی بەریتانیا (NHS) کاری کردووە و پۆستی بەرپرسی بەشی ئێسک و شکانی لە نەخۆشخانەی گشتیی نۆرس مانچستەر لە بەریتانیا وەرگرتووە.
دوای گەڕانەوەی بۆ هەنگاریا لە ساڵی 2015، جگە لە کارکردن وەک پزیشک، چالاکانە بەشداریی لە کەمپەینەکانی داکۆکیکردن لە مافی پزیشکان و نەخۆشاندا کردووە و دژی گەندەڵی و پێدانی بەرتیل لە کەرتی تەندروستیدا وەستاوەتەوە.
ئامانجەکانی وەزیری نوێی تەندروستیی هەنگاریا
زیادکردنی شەفافیەت
گرنگیدان بە رەوشتی پزیشکی
کەمکردنەوەی هەوکردنەکان
کۆتاییهێنان بە کولتووری تۆمەتبارکردن
زیادکردنی مافی نەخۆش
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ