رووداو - تەندروستی
توێژینەوەیەک لە ئەمریکا دەریدەخات، ئەو کەسانەی کێشەی بیستنیان هەیە و بستۆکی بیستن بەکاردەهێنن تەنیا بیستنیان باشتر نابێت بەڵکو کاریگەری ئەرێنیی دەخاتە سەر ژیانی کۆمەڵایەتییان و دەروونییان.
توێژینەوەیەک لە زانکۆی کالیفۆڕنیا لە ئەمریکا کراوە و دەرکەوت، ئەو بەساڵاچووانەی ئامێری بیستن بەکاردەهێنن هەست بە بەهێزی پەیوەندییە کۆمەڵایەتییەکان زیاتر دەکەن، توانای بەشداریکردنیان لە گفتوگۆکاندا باشترە و زیاتر هەست بە ئاسوودەی دەکەن.
هەر لە توێژینەوەکەدا هاتووە بەکارهێنانی بستۆک متمانە بەخۆبوون لەنێو نابیستان زیاد دەکات و دڵەڕاوکێ کەم دەکاتەوە.
دکتۆر جانێت چۆی، سەرپەرشتیاری توێژینەوەکە دەڵێت: بۆمان دەرکەوتووە ئەو کەسانەی کە بیستنیان لەدەست داوە یان لاواز بووە، بە بەکارهێنانی ئامێری بیستن پەیوەندییە کۆمەڵایەتییەکانیان زیاتر بووە و لە خەمۆکی و گۆشەگیری دوور کەوتوونەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ