هەڵەیەک روویدا! دووبارە هەوڵبدە
رووداو - تەندروستی
دامەزراوەی پێشگیری و چارەسەرکردنی قەڵەوی لە ئێران رایدەگەیێنێت، لە وڵاتەکە رێژەی قەڵەوی هاوشێوەی وڵاتانی جیهان ساڵانە زیاد دەکات و ئاماژەش بە ئامارەکان دەکات.
د. محەممەد هاشمی، سکرتێری دامەزراوەی پێشگیری و چارەسەرکردنی قەڵەوی لە ئێران رایگەیاند، 70٪ـی دانیشتووانی تاران کێشزۆر و قەڵەون، بەجۆرێک 45٪ـیان کێشزۆر و 25٪ـیان قەڵەون.
د. محەممەد هاشمی باسی منداڵ و نەوجەوانان دەکات و دەڵێ، 20٪ـیان کێشزۆر و قەڵەون. هەروەها گوتی ''ئەو بەرزبوونەوەی رێژەی قەڵەوییەی لە وڵاتانی جیهاندا روویداوە لەماوەی 100 بۆ 150 ساڵ بووە، بەڵام بەهەمان رێژە لەماوەی چەند دەیەیەکدا لە ئێران روویداوە''.
دامەزراوەی پێشگیری و چارەسەرکردنی قەڵەوی لە ئێران قەڵەوی بە هۆکارێک دادەنێت بۆ
- شەکرە
- بەرزەپەستانی خوێن
- لاوازبوونی دڵ
- شێرپەنجە
هاوکات ئەوەش ئاشکرا دەکەن کە هەر کەسێکی قەڵەو ساڵانە 45 بۆ 80 ملیۆن تمەن بەهۆی قەڵەوییەکەیەوە خەرج دەکات بۆ ئەوەی چارەسەری لێکەوتەکانی قەڵەوییەکەی بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ