FDA ڤاکسینی فایزەری بۆ منداڵان پەسندکرد

رووداو- دیجیتاڵ


دەزگای خۆراک و دەرمانی ئەمریکی ڤاکسینی فایزەری بۆ منداڵانی تەمەن 5 بۆ 11 ساڵ پەسندکرد.

دەزگا ئەمریکییەکە بڵاویکردووەتەوە دوای بەدواداچوون بۆ کاریگەری و سەلامەتیی ڤاکسینەکە، ڤاکسینەکەیان بۆ منداڵان پەسندکردووە.

بەپێی ئەو زانیارییانەی بەرپرسانی تەندروستیی ئەمریکا بڵاویانکردوونەتەوە ڤاکسینی فایزەر بۆ منداڵان 5 بۆ 11 ساڵان سەلامەت و کاریگەرە و منداڵان دژی کۆرۆنا دەپارێزێت.

پەسندکردنی ئەم ڤاکسینە بۆ منداڵان لەکاتێدایە، لەزۆربەی وڵاتان تووشبوونی منداڵان بە کۆرۆنا زیادیکردووە و بەرپرسانی تەندروستی هیواخوازن منداڵانیش وەک گەورەکان لە کۆرۆنا پارێزراوبن بۆیە داوادەکەن دایکو باوکان ڤاکسین بۆ منداڵەکانیان وەربگرن.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger