![سەرۆک بارزانی [لای راست] و شا عەبدوڵڵای ئوردن](https://www.rudaw.net/s3/rudaw.net/ContentFiles/938129Image1.jpg?version=8537647 "سەرۆک بارزانی [لای راست] و شا عەبدوڵڵای ئوردن")
رووداو دیجیتاڵ
بارەگای بارزانی دەڵێت، سەرۆک بارزانی و شا عەبدوڵڵای پاشای ئوردن پەیوەندییەکی تەلەفۆنیان ئەنجامدا و پێکەوە هاوڕا بوون کە "کێشەکانی ناوچەکە بە گفتوگۆ چارەسەر بکرێن".
بەپێی راگەیێندراوی بارزانی، رۆژی یەکشەممە، 1-3-2026، پەیوەندییە تەلەفۆنییەکە ئەنجام دراوە.
لە راگەیێندراوەکەدا هاتووە، "لەو پەیوەندییە تەلەفۆنییەدا بیروڕا لەبارەی دوا پێشهات و گۆڕانکارییەکان و گرژی و ئاڵۆزییەکانی ئەم دواییەی ناوچەکە ئالوگۆڕ کران".
"هەردوولا هاوڕا بوون لەسەر پێویستیی پاراستنی سەقامگیریی ناوچەکە و چارەسەرکردنی کێشە و ئاڵنگارییەکان لە رێگەی گفتوگۆ"، بارەگای بارزانی وا دەڵێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ