رووداو دیجیتاڵ
بەڕێوەبەرایەتی هۆبەی وەرزشیی ئامەد رێگەی نەدا لافیتەی کوردی لە یاریگەی ئامەدسپۆر هەڵبوواسرێت، کۆمەڵەی لایەنگرانی ئامەدسپۆریش ناڕەزایەتیی دەربڕی.
کۆمەڵەکە دەڵێت، "لە یاریگەکانی دیکە، لافیتە بە زمانی ئینگلیزی، عەرەبی و فەرەنسی هەڵدەواسرێت، بۆچی هەڵواسینی لافیتە بە زمانی خۆمان قەدەخەیە؟"
کۆمەڵەکە لە هەژماری فەرمیی خۆیەوە لە تۆڕی کۆمەڵایەتیی ئێکس، پەیامێکی بڵاوکردەوە و ئاماژەی بەوە دا، هەفتەیەک پێش ئێستا بە فەرمی داواکارییان پێشکێش کردبوو، بەڵام بەبێ هیچ هۆکارێک، لافیتە بە زمانی کوردی قەدەخە کرا.
کۆمەڵەکە بڕیارەکەیان بە بڕیارێکی "ئارەزوومەندانە" ناوبردووە و داوادەکەن پێداچوونەوەی بۆ بکرێت و رێگە بە لافیتە بە زمانی کوردی بدرێت.
لەو لافیتەی کە قەدەخە کراوە، دەقی "ئەوان تۆ بە ونبوو دەزانن، بەڵام تۆ هەمیشە لەوێ دەبیت." نووسراوە.
ئەمڕۆ (یەکشەممە، 2-2-2025) لە شاری ئامەدی باکووری کوردستان، یانەی تۆپی پێی ئامەدسپۆر و ساکاریاسپۆر ـی تورکیا رووبەڕووی یەکدی دەبنەوە. بڕیاربوو لافیتەی کوردی لە یاریگەکەدا هەڵبوواسرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ