رووداو دیجیتاڵ
سەرۆک مەسعود بارزانی و سەرۆکی ئەنجوومەنی باڵای دادوەریی عێراق لە پیرمام کۆبوونەوە و تاوتوێی دۆخی سیاسی و ئیستحقاقی لایەنەکانیان کرد.
ئەمڕۆ شەممە (3-1-2026) سەرۆک مەسعود بارزانی لە هاوینەهەواری پیرمام پێشوازی لە فایەق زێدان، سەرۆکی ئەنجوومەنی باڵای دادوەریی عێراق کرد.
بەگوێرەی راگەیێندراوی بارەگای بارزانی، لە دیدارەکەدا "بیروڕا لەبارەی بارودۆخی سیاسیی عێراق و ئیستحقاقاتی لایەنەکان و هەنگاوەکانی پرۆسەی سیاسیی عێراق ئاڵوگۆڕ کرا."
کۆبوونەوەکە لەکاتێکدایە پرۆسەی سیاسیی عێراق لەبەردەم هەنگاوە دەستوورییەکانی دوای هەڵبژاردنی سەرۆکایەتیی پەرلەماندایە، لەوانە هەڵبژاردنی سەرۆککۆمار و پێکهێنانی حکومەتی نوێ.
دەقی راگەیێندراوی بارەگای بارزانی:
رۆژی شەممە 3ی کانوونی دووەمی 2026، لە پیرمام سەرۆک مەسعود بارزانی پێشوازی لە بەڕێز فائق زێدان، سەرۆکی ئەنجوومەنی باڵای دادوەریی عێراق کرد.
لە دیدارەکەدا بیروڕا لەبارەی بارودۆخی سیاسیی عێراق و ئیستحقاقاتی لایەنەکان و هەنگاوەکانی پڕۆسەی سیاسیی عێراق ئاڵوگۆڕ کرا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ