داواکاریی کورد بۆ سووریایەکی ناناوەندی؛ ساڵح موسلیم نهێنیی دانوستاندنەکان ئاشکرا دەکات

 

 

 

لە هەڤپەیڤینێکی تایبەتدا لەگەڵ دلبخوین دارا، پێشکێشکاری تۆڕی میدیایی رووداو، کە رۆژی پێنجشەممە، 4ـی ئەیلوولی 2025 پەخشکرا، ساڵح موسلیم، ئه‌ندامی ده‌سته‌ی سه‌رۆكایه‌تی پارتى یه‌كێتی دیموكراتیک (په‌یه‌ده‌)، تیشکی خستە سەر دۆخی ئێستای رۆژئاوای کوردستان، پەیوەندییەکان لەگەڵ دیمەشق و تێڕوانینی کورد بۆ ئایندەی سووریا. ساڵح موسلیم جەختی لەسەر گرنگی یەکڕیزی کورد کردەوە و ئاماژەی بەوەدا کە کۆبانێ خاڵی دەستپێکی یەکگرتنی کورد بووە لە چوارپارچەی کوردستان.

 

ساڵح موسلیم ئاماژه‌ی به‌وه‌ دا كه‌ ئه‌وان شه‌ڕیان ناوێت و بۆ شه‌ڕیش ئاماده‌ن: "ئه‌و دۆخه‌ی كه‌ ئێستا رۆژهه‌ڵاتی نێوەڕاست تێیدا تێده‌په‌ڕێت، گۆڕینی هه‌ر شتێک مومكینه‌، هه‌ر ئه‌گه‌رێک هه‌یه‌. له‌ لایه‌ک تۆم باراک، كه‌س نازانێت سبه‌ی چ بڕیارێک ده‌دات، له‌ لایه‌كی دیکە ئه‌ردۆغان چ ده‌كات روون نییه‌، راست و چه‌پی روون نییه‌. له‌ لایه‌كی دیکە ئه‌حمه‌د شەرع، هه‌موو كه‌سێک پاشینه‌ی ئه‌و ده‌زانێت و ئه‌وانه‌ی ده‌وروبه‌ری ده‌زانن لە کوێیەوە هاتووە. له‌م دۆخه‌دا تۆ ناچاری هه‌میشه‌ بۆ خۆپاراستن ئاماده‌ بیت." 

 

سەبارەت بە دانوستاندنەکان لەگەڵ دیمەشق، موسلیم ئاشکرای کرد کە شاندی کوردی ئامادەیە بۆ سەردانی دیمەشق و چاوەڕێی وەڵامی ئەوانن: "کێشەکە لە ئێمەوە نییە. کێشەکە لای ئەوانە." ساڵح موسلیم جەختی لەسەر پێویستی بوونی لایەنێکی گەرەنتیکار کردەوە لە دانوستاندنەکاندا، بەتایبەتی بۆ ئەو رێککەوتنانەی کە دەیانەوێت هەمیشەیی بن.

 

موسلیم رایگەیاند کە کورد داوای سیستمێکی ناناوەندی (لامەرکەزی) دەکەن بۆ سووریا، چونکە سیستمە مەرکەزییەکان لەلایەن گەلەوە رەتکراونەتەوە. ئەو ئاماژەی بەوەدا کە کورد دەخوازن هاوبەشی راستەقینەی سووریا بن لە هەموو بوارەکاندا، لە هەڵبژاردن، دەستوور، حکومەت و ئابووریدا.

 

 

 

ساڵح موسلیم: خێرەندار بن، سڵاو لە ئێوە و گشت کارمەندەکانتان.

 

 

ساڵح موسلیم: بەڵێ ئێمەش دڵخۆشین.

 

 

ساڵح موسلیم: بەڵێ کۆبانێ بەوە بەنێوبانگە، بە سەرڕەقی خۆیان بەنێوبانگن.

 

 

ساڵح موسلیم: ئەگەر ماف هەبێت نەرم دەبێت.

 

 

ساڵح موسلیم: نەوەک تەنیا یەکگرتن، بەڵکو تایبەتمەندی و شەڕی کۆبانی لە زۆر رووەوە کاریگەری لەسەر ئاستی نێودەوڵەتی، کۆمەڵایەتی و نەتەوەیی کاریگەری هەبوو.

 

 

ساڵح موسلیم: نەوەک تەنیا لە رۆژئاڤا، گوتمان کۆبانێ دەستپێکێک بوو، دەستپێکی یەکێتیی گەلی کورد بوو، وەک خۆتان ئاماژەتان پێ کرد، پێشمەرگە و یەکینەکانی پاراستنی گەل (یەپەگە)، کە ئەو کات تەنیا یەپەگە هەبوو و هێشتا هێزەکانی سووریای دیموکرات نەبوون، پێکەوە بوونە یەک، ئەو کاتە گەل زۆر دڵخۆش بوو، هیواکانی گەلیان گەورە کرد. ئەوکاتە لە هەر چوار پارچەی کوردستان شەهیدیان دا. ئەمەش گەلی یەکخست. ئەو بانگەوازەی رێبەر ئاپۆ کردی و گەل لە هەر چوار لای کوردستانەوە هاتنە کۆبانێ، کۆبانێ گەلی کوردی یەکخست. لەوکاتەوە لەوێ یەکگرتوون.

ئێستا ماوەتەوە لەسەر ئێمە، کاتێک دەڵێین یەکێتی لەوانەیە هەندێک کەس لە ئێمە، بە باشی تێنەگەن، یەکێتی بە واتای یەکێتیی پارتە سیاسییەکان نایەت. کە دەڵێین، یەکێتی، مەبەستمان یەکێتیی گەلە، هەر کۆمەڵگەیەک دامەزراوەی خۆی هەیە و پارتە سیاسییەکانیش یەکێکن لەو دامەزراوانە، جگە لەوە کۆمەڵگە خۆی کۆمەڵگەیەکی رێکخراوە. دامەزراوەی خۆی هەیە، شوێنی خۆی هەیە، ناوەندی خۆی هەیە، کار و خەباتی خۆی هەیە، ئەمانە هەمووی یەکن، بوونەتە یەک و لە یەک نزیکبوونەتەوە. گەلی کورد بەگشتی بە دڵی خۆی لە کۆبانێیە و ئەمەش تایبەتمەندی کۆبانێیە. ماوەتەوە پارتە سیاسییەکان تاوەکو پێکبێن.

 

 

ساڵح موسلیم: پێکهاتوون بەڵێ، بەڵام لێرەش هەندێک کەس بە هەڵە تێگەیشتوون، بە باوەڕی ئەوان پێویستە هەموو پارتە سیاسییەکان یەک قسە بکەن، بەڵام وانییە. بابەتەکە ئەوەیە کە دەبێت یەکڕیزی هەبێت. واتە ئێستا لە هەر وڵات و هەر دەوڵەتێک، سەیری یاسای پارتەکان بکە، هەر پارتێک یاسا و پرۆگرامی خۆی هەیە، تێیدا هەیە چۆن دەتوانین خزمەتی ئەم گەلە بکەین، چۆن دەتوانین خزمەتی ئەم دەوڵەتە بکەین، واتە ئامانجیان هەیە، بەڵام ئەوە لەلای ئێمەی کورد نییە، کێشەی ئێمە لێرەدایە.

واتە کاتێک دەڵێین با هێڵەکانمان دیاری بکەین و پارتەکانمان لەسەر ئەو هێڵانە کار بکەن، بەڵام لە رۆژئاوا 22 پارتمان هەن، هەموویان دەڵێن دەمانەوێت ئیدارەی خۆبەڕێوەبەری بپارێزین. باشە، ئەوان یەکڕیزییان هەیە. ئێمە دەمانەوێت ئەم یەکڕیزییە لە تەواوی کوردستان دروستبێت. ئەگەر نا یەکێتی تەنیا بۆ پارتە سیاسییەکان نییە، جگە لەوان دامەزراوە کۆمەڵایەتییەکان هەن، دامەزراوە ئابوورییەکان هەن و ئەوانەی ئایینی هەن، ئامانجی هەموویان یەک بێت و چۆن بتوانین ئەم وڵاتە و ئەم گەلە بپارێزین.

 

ساڵح موسلیم: تەواو، ئەمە ئەمەیە یەکڕیزیی ئێمە. ئەم شتە لەوێوە دەستی پێ نەکردووە، ئەم شتەی لە کۆنفرانسی کوردیی قامشلۆ روویدا، ئێمە لەمێژبوو دەمانویست بکرێت. دەمانەوێت ئەم یەکڕیزییە فراوانتربێت و لە هەموو کوردستان بکرێت.

 

 

ساڵح موسلیم: باشە، جێبەجێکردن چۆنە؟ من تێناگەم، بڕیارەکان جێبەجێدەکرێن و کاتێک جوڵەی دانوستاندن لەگەڵ دیمەشق روودەدات، ئەوکاتە هەمووان بەپێی بنەماکان هەڵسوکەوت دەکەن. پێشتر هەمیشە ئەمە هەبووە، دووژمن دەیەوێت ئێمە لە یەکتر داببڕێت، بەڵام ئەگەر چوونە لای یەکێک لە پارتەکان و پێیانگوت ئێمە دەمانەوێت رێککەوتنێک بکەین، بێگومان رێککەوتنمان کردووە و رێککەوتووین و ئێمە ئامادەین، پێویستە ئەم پەیوەندی و رێزگرتنە رووبدات.

 

 

ساڵح موسلیم: دەچێت. داوایان کردووە و چاوەڕێی وەڵامی ئەوانن. خۆیان وادەکەن و ئەوان نایانەوێت ئەم شتانە رووبدەن.

 

 

ساڵح موسلیم: بەڵێنیان داوە و دەیکەن، بەڵێ. وادەڵێن. شەرع خۆیشی گوتی دەیکەین، بەڵام ئێستا ماوەتەوە خۆیان پێکبێن. کێشەکە لە ئێمەوە نییە. کێشەکە لای ئەوانە.

 

 

ساڵح موسلیم: بەڵێ، کۆمیتەکەش ئامادەیە و ناوی لێنراوە، سەرۆک و هاوسەرۆکانی کۆمیتەکە ئامادەن و شاندەکە کێن، هەموو شتێک ئامادەیە و ئاشکرایە.

 

 

ساڵح موسلیم: بەڵێ، ئەو کۆمیتانەمان کە ئێستا دەچن دانوستاندن بکەن... سەیرکەن، یەکێک لە داواکارییەکانی ئەوانیش هەر ئەمەیە.

 

 

ساڵح موسلیم: یەکێک لە داواکارییەکانی ئەوان ئەوەیە کە پێشوازی لەو شاندە بکەن. ئەوان بۆ هەمووان دەیکەن چونکە شاندەکانی هەردووکمان یەکدی تەواو دەکەن و لە یەک جیا نین. سەیری بڕگەکانی 2 و 3ی رێککەوتنەکە بکە بۆ پێکهاتەکان، بۆ نەتەوەکان و لایەنە جیاوازەکان، پێویستە نوێنەرایەتییان هەبێت، ئێمەش یەکێکین لەوان، ئێمەی کورد هەموومان یەکین.

 

 

ساڵح موسلیم: بەڕاستی ئێمە نازانین. چونکە ئەحمەد شەرع تاوەکو ئێستا پەشۆکاوە، بە پەشۆکاوی ماوەتەوە و نازانێت چی بکات. لە لایەکەوە فەرمانەکانی تورکیا بۆی دێن، لە لایەکی دیکەوە ئەوەی گەلی سووریا لێی دەوێت. بەڵام هێدی هێدی دێتە سەر رێ.

ئەگەر بەپێی قسەی خۆی بێت، کاتێک هاتە سەر دەسەڵاتی سووریا خۆی گوتی من دەمەوێت هەموو سووریا یەک بێت، هەموو سوورییەکان پێکەوە بن. بەڵام باسی لە پرسی دیموکراسیی نەکرد، بە گشتی گوتی دەبێت پێکەوە بین، دان بەوانی دیکەدا بنێین، قبووڵیان بکەن، کولتوور و زمانیان قبوول بکەین و پەنابەران بگەڕێنەوە، واتە داواکارییەکانی ئێمەی هەموو هێنایە زمان، بەڵام پێویستە ئەم شتانە بە کردەوە رووبدەن. ئێمەش خۆمان بەپێی ئەو شتانەی ئەوان گوتیان ئامادە کردووە.

 

 

ساڵح موسلیم: بەڵێ دەزانین.

 

 

ساڵح موسلیم: بەڵێ.

 

 

ساڵح موسلیم: بە کورتی، ئێمە خەڵکی ئەم وڵاتەین، ئێمە خەڵکی سووریایین، پڕۆژەکەی ئێمە سووریا دابەش ناکات، ئێمە دەمانەوێت چارەسەر لەنێو سووریادا بێت.

 

 

رووداو: بەڵێ. ئێمەی کورد هاوبەشی ئەم وڵاتەین. جا لە بەڕێوەبەرایەتیی خۆسەردا بێت یان بە شێوەیەکی دیکە. ئێمە هاوبەشی ئەم وڵاتەین، پێویستە هیچ شتێک بێ ئێمە نەکرێت. واتا تۆ هەڵبژاردن دەکەیت، ئێمەش تێیداین؛ تۆ دەستوور دادەنێیت، ئێمەش تێیداین؛ تۆ حکومەت پێک دەهێنیت، ئێمەش تێیداین؛ تۆ بەڕێوەبەری دادەنێیت، ئێمەش تێیداین؛ تۆ ئابووری دەکەیت، ئێمەش تێیداین. لە هەموو شتێکدا ئێمە هاوبەشی ئەم وڵاتەین. ئێمە ئەمە دەخوازین، ئێستا شێوەی ئەو هاوبەشییە چی بێت، دەتوانین لەسەری قسە بکەین. ئێمە دەڵێین خۆبەڕێوەبەریی دیموکراتی. خۆبەڕێوەبەریی دیموکراتیش لە شتێکی بچووکەوە دەستپێدەکات تاوەکو دەگاتە فیدراڵیزم.

 

 

ساڵح موسلیم: مەرج نییە. فیدراڵی چوارچێوەیەک (قاڵب) نییە.

 

 

ساڵح موسلیم: ئێمە ئێستا دەڵێین با شتەکە بەپێی لایەنەکەی دیکە و دانوستاندنەکان بن کە روودەدەن. ئێستا فیدراڵی هەمووی یەک شت نییە. فیدراڵی لە ئینگلتەرا 3 شێوەی هەیە. لە هەندێ شوێنی دیکە، شێوەی دیکەی هەیە. لە هەموو وڵاتێکدا فیدراڵی خۆی بە شێوەیەک هەیە، بە گوێرەی ئەو شتەی لەسەری رێکدەکەون. 

 

 

ساڵح موسلیم: ناناوەندییە. ئێمە پێشتر گوتوومانە. خۆی پێشتر خۆبەڕێوەبەری لە رێککەوتنی کۆمەڵایەتیی خۆیدا هەیەتی و بۆ دەستووری سووریاش ئەنجوومەنی سووریای دیموکرات پێشنیازی کردووە و ئەنجوومەنی سووریای دیموکرات لەسەری رەزامەند بووە. راگەیاندنی دەستووریی کە ئەوان دەریان کردووە، ئێمەش لە ئەنجوومەنی سووریای دیموکراتیش جێگرەوەکەمان دەرکردووە دەستوورەکەش کە دەمێنێتەوە گفتوگۆی لەسەر کراوە. ناتوانیت بە تەنیا بڵێیت من تەنیا ئەم شتانە دەسەپێنم، پێویستە لەگەڵ ئەوانی دیکە دابنیشیت، پێویستە قبوڵکردنێک هەبێت، چونکە تۆ لایەنێکی تەنیا نیت. لایەنی دیکەش هەیە، پێویستە لەگەڵیدا گفتوگۆ بکەیت و رێگە بدەیت قبووڵ بکرێت. ئێمە بۆ ئەمە ئامادەین، بۆ بابەتی دەستوور، راگەیاندنی دەستووری و پێکەوەژیان کە دەتوانین پێکەوە چی بکەین و بەڕێوەبردن چۆن بێت. بەڵام هەندێک شت هەن، ئێمە 10 ساڵە لەسەر سیستمێک دەژین، دامەزراوەکانمان هەن، دامەزراوە کۆمەڵایەتییەکانمان دروست بوون، دامەزراوەی پەیوەست بە ژنانمان هەن، ژن لای ئێمە لە هەموو بوارێکدا هەیە، ئێمە سیستمی هاوسەرۆکایەتیمان هەیە، بۆیە تایبەتمەندییەکی خۆمان هەیە. ئێمە دەمانەوێت ئەو بەڕێوەبەرییەی کە لە ناوچەکانمان دروست بووە، چی بە ناوی رۆژئاواوە بێت یان باکووری رۆژهەڵاتی سووریا، قبووڵ بکرێت. واتە دەکرێت هەندێ دەستکاری ئەم سیستمە بکەین، بەڵام خۆمان بەپێی خواستی لایەنەکانی دیکە رێکناخەین.

 

 

ساڵح موسلیم: خۆی کاتێک خاڵەکانیان نووسراون، چەند بوون؟ 12 یان 13 خاڵ بوون؟ ئەوان هەموو خاڵەکانیان قبووڵ کردن.

 

 

ساڵح موسلیم: وڵاتانی دەرەوە؟

 

 

ساڵح موسلیم: هەن، سویسرا هەیە، بەلجیکا هەیە، وڵاتانی جیهان بە گشتی وان. واتە سیستمی ئێستای ناوەندیی تاریک، کە پێویستە هەر بڕیارێک لە پایتەختەوە بێت و شوێنەکانی دیکە پشتگوێ بخات، خەڵک تێیپەڕاندووە، ئەوان بە بارگرانی دەزانن. هەر بۆیەش دەسەڵات دابەش دەکەن و چەند زیاتر بڵاوی بکەنەوە باشترە. وەک نموونە بەلجیکا، کە نیوەی سووریا ناکات، نازانم هێندەی هەرێمەکەمانە یان نیا، 27 خۆبەڕێوەبەری تێدایە.

 

 

ساڵح موسلیم: هەندێک کەس نایانەوێت وەک کورد، کوردستانێکی سەربەخۆیان هەبێت، بەڵام تۆ چیت دەوێت؟ زمانت دەوێت، کولتوورت دەوێت، ئابووریت دەوێت، سیاسەتت دەوێت، ئەمانە هەمووی لە ناوچەکانت هەن و هەمووی لە ناوچەکەت هەن، ئەمەنە هەموویان بۆت مسۆگەر دەکرێن. بەڵام شتانێک هەن کە لە دەسەڵاتماندا نین و دەسەڵاتی ئەوان گەورەترە، ئەو شتانە دەبێت لەگەڵ لایەنەکانی دیکە هاوبەش بکرێن؛ تۆ لەگەڵ ئەوان لە نێو وڵاتێکدا پێکەوە دەژیت.

 

 

ساڵح موسلیم: بەڵێ. دەمێننەوە. زانکۆش هەن، دەبێت ئەوانیش قبوول بکەن.

 

 

ساڵح موسلیم: بەڵێ، قوتابخانە و زانکۆ و بڕوانامەکانیش کە لێی دەردەچن، دەبێت قبووڵیان بکات.

 

 

ساڵح موسلیم: ئەمە داواکاریی ئێمەیە و ئەوانیش ناڵێن نا، دەڵێن مافی ئێوەیە کە زمانی خۆتان هەبێت. بەڵام تاوەکو ئێستا هیچ شتێک بە فەرمی نەکراوە. ئەوان باسی دەکەن. دەیانەوێت رازیمان بکەن، ئاژانسی سانای هەواڵ هەیە و بەشی کوردییان تێیدا کردووەتەوە، وەک نموونە.

 

 

ساڵح موسلیم: پێشتر لێدوانمان لەسەریدا. پێمان گوتن پێشتر سانا بە عەرەبی هەواڵی پێدەداین، ئێستا بە کوردی هەواڵمان پێدەدات.

 

 

ساڵح موسلیم: ئازادیت. بەڵێنمان هەبوو.

 

 

ساڵح موسلیم: ئێمە دەڵێین دواخرا. چونکە لایەنەکان کە دەیانویست کۆبوونەوەکە بچێتە پاریس هێشتا پێداگرن، واتا فەرەنسا و ئەمریکا، بەڵام بەریتانیا دوودڵە و نایەوێت، بەڵام ئێمە پێداگرین لەسەر ئەوەی کۆبوونەوەکە بکرێت. بۆ ئێمە شوێن گرنگ نییە، بۆ ئێمە ئەوەی گرنگترە لایەنی گەرەنتیکار هەبێت.

 

 

ساڵح موسلیم: نەوەک تەنیا متمانەمان بە دیمەشق نییە، دیمەشق ئەمڕۆ شتێک دەڵێت دواتر شتێکی دیکە دەڵێت. ئێمە بەڵێنمان بە یەکتر دا، بەڵام رۆژی دواتر گەڕانەوە شتی دیکەیان گوت. بۆیە ئێمە دەمانەوێت لایەنێکی دیکە لە نێوانماندا هەبێت. وەک نموونە تاوەکو ئێستا نەیگوتووە من رێککەوتنی 10ی ئادار پشتگوێ دەخەم. نەیگوتووە، بۆچی؟ چونکە ئەمریکییەکان لەسەر ئەو رێککەوتنە بوون، راستە ئێمە دانیشتین و واژۆمان کرد، بەڵام بە پشتیوانیی ئەمریکا بوو و بەیانی ناتوانن خۆیان لێی بدزنەوە. ئەو کۆبوونەوەیەش کە لە عەممان کرا، تۆم باراک گوتی پێویستە ئەو کۆبوونەوەیە بکرێت، پێویستە رێککەوتنە جێبەجێ بکرێت.

 

 

ساڵح موسلیم: بەڵێ.

 

 

ساڵح موسلیم: نا دەیکەین، بەڵام ئەو شتانەی کە دەمانەوێت هەمیشەیی بن و بمێننەوە، بۆ ئەوەی هەڵگەڕانەوە روونەدات. بۆ ئەو شتانەی کە دەتوانین بە خۆمان لەسەریان رێکبکەوین، پێویست بە گەرەنتیکار ناکات.

 

 

ساڵح موسلیم: ئەمریکا و فەرەنسان، ئینگلتەراشیان لەگەڵدایە.

 

 

ساڵح موسلیم: لە زووەوە پەیوەندیمان لەگەڵ ئەمریکا هەیە، لە 2015ـوە. فەرەنساش لەگەڵمانە، لە کاتی هاوپەیمانیی نێودەوڵەتییەوە. بەڵام فەرەنسا زیاتر لێمانەوە نزیکە.

 

 

ساڵح موسلیم: ئێمە داوامان لە هیچ کەس نەکردووە بە هانامانەوە بێن، بەڵام ئەوانیش بێگومان لە رۆژە سەختەکاندا، بە تایبەتی کاتێک کە پێویستمان بە کووتەک بێت، هاوکارن، بەڵام هیچ کەسێک لە جێگەی ئێمە کوتەک هەڵناگرێت، با هەموو کەسێک ئەمە بزانێت، کوتەک، کوتەکی ئێمەیە. بەڵام لە بابەتە سیاسی و دیپلۆماسییەکاندا، یارمەتیمان دەدەن، هەندێک شت ئاشکرا دەکرێن و هەندێکیش بە نهێنی دەکرێن. هەندێک جار شتانێک هەن کە ئێمە نامانەوێت و ئەوانیش دەبینن کە راست نییە، لەبری ئەوەی هەستنە سەر پێ و کوتەکی خۆیان بەرز بکەنەوە، لە گۆشەکاندا گوێیان با دەدەن.

 

 

ساڵح موسلیم: بێگومان خۆمان بەدەستەوە نادەین، ئیتر ئامادەیی چییە، بە گوێرەی توانا ئامادەی بەرگرین.

 

 

ساڵح موسلیم: سەیر بکە، ئێستا ناتوانین بڵێین نییە. ئەم دۆخەی ئێستا لە رۆژهەڵاتی نێوەڕاست هەیە و ئەم ئاڵۆزییەی کە ئێستا هەیە، ئەگەری گۆڕانی هەر شتێک هەیە، هەموو ئەگەرێک هەیە. لە لایەکەوە تۆم باراک، هیچ کەسێک نازانێت سبەی چ بڕیارێک دەدات، لە لایەکی دیکەوە ئەردۆغان چی دەکات دیار نییە، راست و چەپی دیار نییە. لە لایەکی دیکەوە ئەحمەد شەرع، هەموو کەسێک رابردووی دەزانێت و ئەوانەی دەوروبەری دەزانن چی لێ هاتووە. لەم دۆخەدا تۆ ناچاریت هەمیشە ئاگاداری خۆت بیت، بۆ خۆپاراستن ئامادە بیت، ئامادەکارییەکانت هەبێت بۆ ئەوەی خۆت بپارێزیت.

 

 

ساڵح موسلیم: دانوستاندنەکان نەپچڕاون، لەوانەیە ئیلهام ئەحمەد هەمیشە لە دانوستاندنەکاندا نەبێت، بەڵام هەمیشە هەن، شاندەکانمان لە ئاستی باڵا یان نزم بن. بینیت پرسی حەلەب و پرسی پەروەردە و پرسەکانی دیکە هەبوون. دانوستاندنەکان هەمیشە هەن، نەپچڕاون. هەمیشە ئامادەکاریش هەن بۆ پرسەکانی دروستکردنی کۆمیتەکان، بۆیەش ئەو رێککەوتنەی کە ئێستا دروست بووە، چوارچێوەیە. بۆنموونە کاتێک دەڵێین ئێمە خوازیاری سووریایەکین، ئێمە بەشێکین لە سووریا، واتا ئێمە لە سووریا جیا نابینەوە. ئێمە دەڵێین خوازیاری دەستوورێکین، دەمانەوێت هێزەکانمان هەموویان یەک بن، پرسەکانی ئابووری یەک بن، ئەمانە هەموویان. راستە ئێمە چوارچێوەمان داناوە، چوارچێوەیەکمان بۆی دروست کردووە، بەڵام ئەم رێککەوتنەی ئێستا دروست بووە، پێویستە یەک بە یەک کۆمیتەی لەسەر دروست ببێت، کۆمیتەی هاوبەش دروست ببێت. ئێمە پێکەوە دادەنیشین و لەسەر هەموو ئەم بابەتانە گفتوگۆ دەکەین، لەوانەیە چەند مانگێکیش بخایەنێت. یەکێک لەوان بۆ نموونە هی سووریا، تاوەکو ئێستا رێکنەکەوتووین، ئێمە دەڵێین با کۆماری سووریا بێت، ئەوان دەڵێن با کۆماری عەرەبیی سووریا بێت.

 

 

ساڵح موسلیم: بەڵێ، ئێمە قبووڵ ناکەین. نەوەک تەنیا ئێمە قبووڵ ناکەین. ئاشووری قبووڵ ناکەن، سریانی قبووڵ ناکەن، ئەوانی دیکە قبووڵ ناکەن.

 

 

ساڵح موسلیم: با کۆماری سووریا بێت.

 

 

ساڵح موسلیم: بەڵێ.

 

ساڵح موسلیم: بەڵێ، با کۆماری سووریا بێت.

 

 

ساڵح موسلیم: بەڵێ، بەڵێ، کورد بن، بەڵام بێ ناسنامەی کوردی.

ساڵح موسلیم: ئیدی هەموو شتێک وایە. مەبەستم چییە؟ ئێمە لە سووریا جیا نابینەوە، بەڵام ئێمە سووریایەکی چۆنمان دەوێت؟ دیکتاتۆری بێت؟ دەسەڵاتدار بێت؟ وەک جاران بێت؟ نازانم چی بێت؟ پێویستە هەموومان لەسەری دابنیشین و قسە بکەین. ئەوان دەڵێن نا، وەرن خۆتان رادەست بکەن، ئەمەش شتێکی قورسە.

 

 

ساڵح موسلیم: بەڵێ، بەڵێ. ئەوانەی کە ئەمەیان قبووڵ کردووە، هەموویانن.

 

 

ساڵح موسلیم: بەڵێ، بەڵێ، شاندە کوردی و شاندەکانی دیکە کە سریانی و ئەوانەی تێدان، ئەمانە هەموویان یەکتر تەواو دەکەن، واتا هیچ کەسێک شوێنی کەسێکی دیکە ناگرێتەوە.

 

ساڵح موسلیم: تۆم باراک پیاوێک بازرگانە، لە مێژەوە لە ترەمپ نزیکە، بازرگانی دەزانێت و سیاسەتی و دیپلۆماسی نەکردووە، لێدوانەکانی ئەو هەندێک جار تووندن و هەندێک جار نەرم. بە بۆچوونی ئێمە لێدوانەکانی بەستراونەتەوە بە شتی دیکە واتا بۆ رازیبوونی فڵان و فڵان کار دەکات، بۆیە هەندێک جار قسە دەکات و دواتر وەزارەتی دەرەوە بۆی راست دەکەنەوە. 

 

 

ساڵح موسلیم: سەرچاوە بێت، هەرچی بێت، بێگومان ئەو نوێنەرایەتی وڵاتێکی وەک ئەمریکا دەکات و ئەمڕۆ ئەمریکا بەهێزترین وڵاتە لە جیهاندا.

 

 

ساڵح موسلیم: نەخێر، من پێم وانییە پەلەیەکی گەورە لەم بابەتەدا هەبووبێت. بە بڕوای ئێمە، پرسەکە شتێکی پلان بۆ دانراو بوو. ئەحمەد شەرعیان بۆ ئەرکێک هێناوە، بۆ کارێک هێناوە. ئەویش بەڵێنی داوە کە ئەوەی ئەوان دەیانەوێت بیکات. تاوەکو ئێستاش ئەو کارە دەکات و هەندێک شت لە دەست دێت و هەندێک شتیشی لەدەست نایەت. کاتێک تۆ لە ماڵەکەت دادەنیشیت و پلانێک بۆ خۆت دادەنێیت، پلانی تۆ هەندێک جار 80%، 50%، 60% جێبەجێ دەبێت، ئەوانیش دانیشتوون و پلانی خۆیان داناوە و شەرعیش بە پێی ئەو پلانە کار دەکات.

 

ساڵح موسلیم: [بە پێکەنین] ئێمە دەڵێین لەوانەیە ئێمە ئەوان لەو کارانە دووربخەینەوە.

 

 

ساڵح موسلیم: نەک دەستی بەسەردا بگرین؛ هەموو کاتێک شتی وایە کە گرنگن. مرۆڤ دەتوانێت ئەوانیش راست بکاتەوە چونکە ئەوەی روویداوە، بۆ نموونە تۆ لە سەرکردایەتیدا بوویت، کاتێک تۆ لە سەرکردایەتیدایت، دەکرێت چەندین یەکەت هەبن. ئێمە پێشنیازمان کردووە کە ئێمە ببینە یەکەیەک لە سوپا. دەکرێت بڵێن سوپای یەکەم، سوپای دووەم، سوپای سێیەم، دەمانەوێت ئێمەش وەک سوپایەک بین، بە تایبەتمەندی و رێکخستنی خۆمانەوە لە ناوچەکەمان بمێنینەوە بۆ پاراستنی ناوچەکانمان. بەڵام مرۆڤ دەتوانێت لە زۆر شتدا نەچێتە ژێر فەرمانی ئەوان، بەڵکو لەوانەیە تۆ ئەو بڕیارانەی کە هەڵەن، راست بکەیتەوە.