رووداو دیجیتاڵ
ئاژانسی فەرمیی تورکیا رایگەیاند، دەزگای هەواڵگریی وڵاتەکە، لە سلێمانی پلانداڕێژەری کوشتنی عوسمان کۆسەی کوشتووە.
ئاژانسی فەرمیی تورکیا ئەمڕۆ چوارشەممە، 5ی تەممووزی 2023، بڵاویکردەوە، دەزگای هەواڵگریی تورکیا -میت لە ئۆپەراسیۆنێکدا لە پارێزگای سلێمانی لە هەرێمی کوردستان کەسێكی بەناوی جەلال کایا کردووەتە ئامانج کە بەرپرسی هەواڵگریی پەکەکە بووە لە عێراق و پلانداڕێژەری ئەو هێرشە بووە کە عوسمان کۆسە، دیپلۆماتی تورکیای تێدا کوژرا.
عوسمان کۆسە کارمەندی کۆنسوڵخانەی تورکیا بوو و رۆژی 17ـی تەممووزی 2019 لە رووداوێکی تەقەکردن لە رێستۆرانتی هوقەباز لە شاری هەولێر لەگەڵ دوو هاونیشتمانیی هەرێمی کوردستان بە ناوەکانی نەریمان (عوسمان محەممەد عەلی) و (بەشدار رەمەزان ساڵح) کوژران.
تاوەکو ئێستا دەزگای هەواڵگریی تورکیا زانیاری لەبارەی کات و شوێنی ئەنجامدانی ئۆپەراسیۆنەکە بڵاونەکردووەتەوە و تەنیا ئاماژەی بە پارێزگای سلێمانی کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ