هەڵەیەک روویدا! دووبارە هەوڵبدە
رووداو دیجیتاڵ
ژنێکی تەمەن 59 ساڵی دانیشتووی پارێزگای ئامەدی باکووری کوردستان بەناوی خانم دەمیر لە ساڵی 2015 خانووەکەی لە شەڕی نێوان گەریلاکانی پەکەکە و سوپای تورکیادا رووخا؛ هەربۆیە بە ناچاری چووە لای کوڕەکەی، بەڵام کوڕەکەیشی خرایە زیندان و کچەکەشی لە هاوژینەکەی جیابووەوە و ئێستا لەگەڵ کچەکەی و شەش نەوەی ماوەتەوە و ناچارە بەخێویان بکات.
ئەو ژنە و شەش نەوەکەی ناتوانن کرێ بدەن، هەربۆیە ماوەی چوار ساڵە لەنێو بارهەڵگریکی بەجێهێڵدراوی ژەنگاوی لە گەڕەکی سەیرانتەپە دەژین.
خانم دەمیر و نەوەکانی هیچ خزمەتگوزارییەکی وەکو ئاو و کارەبایان نییە و دەڵێن، زستانیان زۆر سەخت و هاوینیان تاقەتپڕووکێنە. خانم دەمیر دەڵێت، لە هەردوو وەرزی سەرما و گەرمادا و بەهۆی نەبوونی پێداویستییەوە نەوەکانی نەخۆش دەکەون و ئاماژە بەوەش دەکات، تەمەنی هەڵکشاوە و توانای بەخێوکردنی نەوەکانی نییە.
دوای شکستهێنانی پڕۆسەی چارەسەری پرسی کورد لە ساڵی 2015ـدا، شەڕی کۆڵان بە کۆڵان لە نێوان سوپا و هێزە ئەمنییەکانی تورکیا لە لایەک و گەریلاکانی پەکەکە لە لایەکی دیکە دەستی پێکرد و تاوەکو نیسانی 2016 بەردەوام بوو. یەکێک لەو پارێزگایانەی شەڕەکەی تێدا کرا ئامەد بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ