رووداو دیجیتاڵ
لە پارێزگای مێردینی باکووری کوردستان تەقە لە هاووڵاتییەکی ئاشووری کرا و بەرەبەیانی ئەمڕۆ لە نەخۆشخانە گیانی لەدەستدا.
رووداوەکە شەوی دووشەممە 6ی تشرینی دووەمی 2023 لە گوندی عەنهلێ سەر بە شارۆچكەی میدیاد-ی مێردین بووە، لەلایەن کەسێک یان کەسانێكی نەناسراوەوە تەقە لە گەڤرییە ئاکگوچ-ی تەمەن 90 ساڵ کرا، کە هاووڵاتییەکی ئاشوورییە.
دوای رووداوەکە، گەڤرییە ئاکگوچ گوازرایەوە بۆ نەخۆشخانە و بەرەبەیانی ئەمڕۆ سێشەممە 7ی تشرینی دووەم لە نەخۆشخانە گیانی لەدەستدا.
گەڤرییە ئاکگوچ شەوی رابردوو کاتێک لەگەڵ هاوژینەکەی لە میوانداری دەگەڕایەوە، هێرشی کرایە سەر و تەقەی لێکرا.
لە هێرشەکەدا ئاکگوچ بە سەختی بریندار بوو و لەلایەن تیمە پزیشکییەکانەوە گواسترایەوە بۆ نەخۆشخانەی دەوڵەت لە میدیاد و نەشتەرگەریی بۆ کرا. سەرەڕای هەوڵی پزیشکەکان، گەڤرییە ئاکگوچ سەرلەبەیانیی ئەمڕۆ گیانی لەدەستدا.
بەگوێرەی زانیارییەکان، ئاکگوچ لە ئەوروپا دەژی و ماوەیەک پێش ئێستا گەڕاوەتەوە و لە ئیستەنبووڵ نیشتەجێ بووە. بەم دواییە بۆ بینینی کەسوکارەکەی چووەتە میدیاد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ