رووداو دیجیتاڵ
بەپێی راگەیێندراوی بارەگای بارزانی، ئەمڕۆ هەینی، ئەحمەد شەرع، سەرۆکی کاتیی سووریا بە تەلەفۆن پەیوەندیی بە سەرۆک بارزانییەوە کردووە.
لە راگەیێندراوەکەدا هاتووە، لەو پەیوەندییە تەلەفۆنییەدا دوایین پێشهاتە سیاسیەكانی سووریا و گۆڕانكارییەكانی ناوچەكە خرایە بەر باس و هەردوولا جەختیان لە بایەخی سەقامگیری و هەماهەنگیی هاوبەش كردەوە.
ئەحمەد شەرع، وەکو بارەگای بارزانی دەڵێت، ئەوەی دووپات كردەوە كە "كورد پێكهاتەیەكی رەسەن و سەرەكیی گەلی سووریایە و جەختی لە پابەندبوونی تەواوی دەوڵەتی سووریا بۆ گەرەنتیكردنی هەموو مافە نیشتمانی و سیاسی و مەدەنییەكانی كورد لەگەڵ پێكهاتەكانی دیکەی سووریا بە شێوەیەكی یەكسان و بێ جیاوازی كردەوە".
بەگوێرەی راگەیێندراوەکەی بارەگای بارزانی، سەرۆک بارزانی پێزانینی بۆ ئەو تێروانینەی ئەحمەد شەرع هەبووە و "پشتیوانی خۆی بۆ ویست و ئاواتی سووریەكان بۆ بنیاتنانی دەوڵەتێك راگەیاند كە هەموو لایەن و پێكهاتەكان بگرێتەخۆ و تێیدا هاوبەش بن. هەروەها جەختیشی لە پێویستی بەردەوامیی راوێژ و هەماهەنگی كردەوە ئەویش لەپێناو رەچاوكردنی بەرژەوەندیی هەموو لایەک و پاراستنی ئاشتەوایی كۆمەڵایەتی".
دەقی راگەیێندراوی بارەگای بارزانی:
ناوەڕۆكی پەیوەندیی تەلەفۆنیی نێوان سەرۆک بارزانی و سەرۆکی سووریا، ئەحمەد ئەلشەرع.
رۆژی هەینی 9ی كانوونی دووەمی 2026، ئەحمەد ئەلشەرع، سەرۆكی سووریا لەڕێی تەلەفۆنەوە پەیوەندی بە سەرۆک بارزانییەوە كرد.
لەو پەیوەندییە تەلەفۆنییەدا دوایین پێشهاتە سیاسیەكانی سووریا و گۆڕانكارییەكانی ناوچەكە خرایە بەر باس و هەردوولا جەختیان لە بایەخی سەقامگیری و هەماهەنگیی هاوبەش كردەوە. هەروەها سەرۆک شەرع ئەوەی دووپات كردەوە كە كورد پێكهاتەیەكی رەسەن و سەرەكیی گەلی سووریایە و جەختی لە پابەندبوونی تەواوی دەوڵەتی سووریا بۆ گەرەنتیكردنی هەموو مافە نیشتیمانی و سیاسی و مەدەنیەكانی كورد لەگەڵ پێكهاتەكانی تری سووریا بە شێوەیەكی یەكسان و بێ جیاوازی كردەوە.
هەر لەو پەیوەندییە تەلەفۆنیەدا سەرۆک بارزانی پێزانینی بۆ ئەو تێروانینەی سەرۆک شەرع هەبوو و پشتیوانی خۆی بۆ ویست و ئاواتی سووریەكان بۆ بنیاتنانی دەوڵەتێک راگەیاند كە هەموو لایەن و پێكهاتەكان بگرێتەخۆ و تێیدا هاوبەش بن. هەروەها جەختیشی لە پێویستی بەردەوامیی راوێژ و هەماهەنگی كردەوە ئەویش لەپێناو رەچاوكردنی بەرژەوەندیی هەموو لایەک و پاراستنی ئاشتەوایی كۆمەڵایەتی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ