رووداو دیجیتاڵ
نووسینگەی راگەیاندنی سەرۆکی حکومەتی هەرێمی کوردستان لە روونکردنەوەیەکدا دەڵێت، "هەندێک ماڵپەر و پەیجی ناوخۆی سۆشیال میدیا، بە بڵاوکردنەوەی هەندێک لێدوان و لێکدانەوەی نەگونجاو و دوور لە راستییەکانی کایەی سیاسی و ئەمنیی دەڤەرەکە، هەوڵیان داوە بۆچوون و لێدوانەکانی بەڕێز سەرۆکی حکومەتی هەرێمی کوردستان لە میانەی دوا چاوپێکەوتنیدا لەگەل کەناڵی (NBC) بە لاڕێدا ببەن".
دەشڵێت، "سەرۆکی حکومەت پێداگریی لە پاراستنی قەوارەی دەستووریی هەرێمی کوردستان کردووە و بەردەوامیش دەبین لە گرتنەبەری هەموو رێکارێک بۆ دوورخستنەوەی مەترسییەکان لە سەر هەرێمی کوردستان".
ئەوەش هاتووە، "خۆدزینەوە و خۆگێلکردن بەرامبەر بە ناحەزان، هیچ لە مەترسی و هەڕەشەکان کەم ناکاتەوە، بۆیە پێویستە هەموو لایەک لە ئاستی بەرپرسیاریەتیدا بن بەرامبەر بە خاک و خەڵکی هەرێمی کوردستان".
ئەو روونکردنەوەیەی نووسینگەی راگەیاندنی سەرۆکی حکومەتی هەرێمی کوردستان لەبارەی هەڤپەیڤینێکی مەسرور بارزانی، سەرۆکی حکومەتی هەرێمی کوردستانە لەگەڵ کەناڵی ئێن بی سی. لێرەوە دەتوانن زانیاری لەبارەی هەڤپەیڤینەکەوە بزانن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ