یەکەم رۆژی رەمەزان لە هەرێمی کوردستان دیاریکرا

 

 

پشتیوان سادق، وەزیری ئەوقاف و کاروباری ئایینیی هەرێمی کوردستان لە کۆنگرەیەکی رۆژنامەڤانیدا هەواڵەکەی راگەیاند. 

وەزیری ئەوقاف گوتی، "لیژنەی بینینی مانگ هاوئاهەنگییان لەگەڵ لیژنە لاوەکییەکان لە پارێزگا و ئیدارە سەربەخۆکانی دیکە هەبووە و دوای پرۆسەیەکی وردی چاودێری دەرکەوت کە مانگ بە بەڵگەی شەرعی بیندراوە."

لەدوای بینینی مانگ، لیژنەکە رایگەیاند، رۆژی دووشەممە، 11-3-2024 یەکەم رۆژی مانگی رەمەزانە. 

هاوکات سعودیە ئەم ئێوارەیە رایگەیاند، رۆژی یەکشەممە دوایین رۆژی مانگی شەعبان بووە و رۆژی دووشەممە یەکەم رۆژی مانگی رەمەزانە.