رووداو دیجیتاڵ
لە گەڕەکی هەولێری نوێ شەڕە تەقە لەنێوان چەند کەسێک روویداوە و بەگوێرەی زانیارییە سەرەتاییەکان کوژراو و بریندار هەن.
بەگوێرەی زانیارییەکانی رووداو، شەڕەکە لەسەر کێشەی زەویوزار بووە؛ سەرچاوەیەکی ئەمنی بە رووداوی گوت، دوو کوژراو و پێنج بریندار هەن.
ئەو دوو کەسەی کوژراون، یەکێکیان ناوی هادی محەممەدە و ئەوی دیکەیان ناوی شۆڕش کەوسەرە.
بە ڤیدیۆ؛ چرکەساتی شەڕەتەقەکەی گەڕەکی هەولێری نوێ، بەپێی گوتەی شایەتحاڵێک شەڕەکە لەسەر 'کێشەی زەویزار بووە و کوژراو و بریندار هەیە' pic.twitter.com/CmY63QZ5lQ
— Rudaw (@Rudawkurdish) June 10, 2024
رەنجە جەمال، پەیامنێری رووداو لە شوێنی رووداوەکە رایگەیاند، شەڕەتەقەکە پێش کاژێر 6:00ـی ئێوارە لە گەڕەکی هەولێری نوێ روویداوە.
پەیامنێری رووداو گوتیشی کە شەڕەکە لەسەر کێشەیەکی زەویوزار بووە. زەوییەکی بازرگانی لەسەر شەقامی 120 مەتری لە هەولێر و لە سنووری گەڕەکی هەولێری نوێ هۆکاری کێشەکە بووە.
شەڕەکە کۆنترۆڵ کراوە و هێزەکانی پۆلیس، ئاسایش و پۆلیسی فریاکەوتن لە شوێنی رووداوەکەن و لێکۆڵینەوەیان دەستپێکردووە. ژمارەیەک ئۆتۆمبێلی هەردوو لای شەڕەکە لە شوێنی شەڕەکە بەجێماون.
پەیامنێری رووداو دەڵێت: "لەو شوێنە لەگەڵ یەکدی بوونە و قسەیان کردووە و بووەتە دەمەقاڵێیان. دواتر رووبەڕووی یەکدی بوونەتەوە و بە کلاشینکۆف تەقەیان لەیەکدی کردووە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ