رووداو دیجیتاڵ
سەرۆک بارزانی و کۆنسووڵی تورکیا لە هەرێمی کوردستان کۆبوونەوە و "دۆخی ناوچەکەیان تاوتوێ کرد."
بارەگای بارزانی رایگەیاند، ئەمڕۆ (چوارشەممە، 10-7-2024) لە سەلاحەدین، سەرۆک مەسعود بارزانی، پێشوازی لە ئێرمان تۆپچو، کۆنسووڵی نوێی تورکیا لە هەولێر کرد.
بەگوێرەی راگەیێندراوەکە "کۆنسووڵی نوێی تورکیا لە هەولێر سڵاو و رێزی وەزیری دەرەوەی تورکیای بە سەرۆک بارزانی گەیاند و جەختی لەوە کردەوە، وڵاتەکەی خوازیاری ئەوەیە باشترین پەیوەندی لە بوارە جۆراوجۆرەکاندا لەگەڵ هەرێمی کوردستاندا هەبێت."
بارەگای بارزانی دەڵێت، لە دیدارەکەدا باس لە سەردانەکەی سەرۆک بارزانی بۆ بەغدا کراوە و کۆنسووڵی تورکیا ئەو سەردانەی بە "مێژوویی و کاریگەر" پێناسە کردووە.
لە دیدارەکەدا بارودۆخی سیاسی و دوا پێشهاتەکانی عێراق و ناوچەکە تاوتوێ کراوە. لە راگەیێندراوەکەدا هاتووە "سەرۆک بارزانی وێڕای باسکردنی هۆکارەکانی سەردانی هەفتەی رابردوو بۆ بەغدا؛ دووپاتکردەوە، لێکتێگەیشتن و دیالۆگ لە چوارچێوی دەستوور باشترین رێگەیە بۆ چارەسەرکردنی کێشەکان".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ