رووداو دیجیتاڵ
راوێژکاری سەرۆكوەزیرانی عێراق بۆ كاروباری ئێزدیان بە رووداوی راگەیاند، محەممەد شیاع سوودانی، سەرۆكوەزیرانی عێراق وەزارەتی ئاوەدانكردنەوە و نیشتەجێبوونی راسپارد بە نۆژەنكردنەوەی پەرستگەی لالش.
خەلەف شنگالی دەڵێت، سوودانی بڕیاری داوە كە پەرستگەی لالش بە تەواوی ئاوەدان بكرێتەوە و بۆ ئەم مەبەستەش وەزارەتی ئاوەدانكردنەوە و نیشتەجێبوونی راسپارد كە بودجەی پێویست دابین بكات و دەست بە كاركردن بكات لە ماوەیەكی نزیكدا.
پەرستگەی لالش شوێنی سەرەكی رێوڕەسمی كوردانی ئێزدییە لە تەواوی جیهان و دەكەوێتە قەزای شێخان لە هەرێمی كوردستان، ساڵانە كوردانی ئێزدی لە تەواوی جیهان بۆ بەجێگەیاندنی رێوڕەسمە ئایینییەكان سەردانی دەكەن.
خەلەف شنگالی ئاماژەی بە گرنگی بڕیارەكەی كرد و گوتی، ئەم بڕیارە هاوكاتە لەگەڵ رێوڕەسمی جەژنی جەمای ئێزدییەكان و هاوكار دەبێت بۆ ئەوەی لالش بتوانێت پێشوازی لە ژمارەیەكی زیاتری سەردانیكاران بكات لە ساڵانی داهاتوودا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ