رووداو دیجیتاڵ
لە پارێزگای ئامەدی باکووری کوردستان ئاگر لە زەوییەکی کشتوکاڵیدا کەوتەوە و بەو هۆیەوە 700 دۆنم زەوی کە بەگەنم چێندار بوو، بووە خۆڵەمێش.
ئاگرەکە ئێوارەی رۆژی شەممە، 10ـی حوزەیرانی 2023، لە سنووری شارۆچکەی بسمیل لە زەوییەکی کشتوکاڵیدا لەنێوان گوندەکانی "ئاڵاباڵ"، "گۆرئۆڵوک" و "هانپازار" کەوتەوە.
بەگوێرەی زانیارییەکان، ئاگرەکە بەهۆی فڕێدانی پاشماوەی جگەرە کەوتووەتەوە، دواتر و بەهۆی خێرایی با ئاگرەکە تەشەنەی سەندووە.
تیمەکانی بەرگریی شارستانی هەوڵی کوژاندنەوەی ئاگرەکەیان دا، بەڵام لە ماوەیەکی کورتدا نزیکەی 700 دۆنم زەوی چێندراو بە گەنم سووتاوە و بووە بە خۆڵەمێش.
جەواد دەلیل سەرۆکی ژووری کشتوکاڵی ئامەد، داوای لە هەموو لایەک کرد کە لە وەرزی دروێنەدا ئاگاداری پاشماوەی ئاگرەکان بن، بۆ ئەوەی سامانی نیشتمانی لەنێو نەچێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ