رووداو دیجیتاڵ
لە پارێزگای وانی باکووری کوردستان لە ماوەی یەک هەفتەدا 146 کۆچبەری نایاسایی دەستبەسەر کراون.
بەگوێرەی راگەیێندراوێک کە ئەمڕۆ سێشەممە لەلایەن پارێزگای وان بڵاوکراوەتەوە، لە رۆژانی نێوان 3 بۆ 9ی حوزەیران هێزە ئەمنییەکانیان لەسەر راسپاردەی داواکاری گشتیی وان لە سنووری ئەو پارێزگایەدا 42 ئۆپەراسیۆنیان کردووە.
لە راگەیێندراوەکەدا ئاماژە بەوە دراوە، لە هەوڵەکانیان بەردەوامن بۆ رێگری لە "قاچاخچێتی بە کۆچبەران و مرۆڤ" و لە چوارچێوەی ئەو ئۆپەراسیۆنانەدا 146 کۆچبەری نایاسایی دەستبەسەر کراون، هەروەها 11 کەس بە تۆمەتی قاچاخچێتیکردن بە کۆچبەران لێکۆڵینەوەیان لەگەڵ کراوە.
هەرچەندە تورکیا سنوورەکانی خۆی لەگەڵ ئێران بە دروستکردنی دیواری کۆنکرێتی تووندوتۆڵ کردووە، بەڵام پەڕینەوەی کۆچبەری ئەفغانی لە رۆژهەڵاتی کوردستانەوە بەردەوامە و رۆژانە دەیان کۆچبەر دوای پەڕینەوەیان لە سنوور لە ناوچەکانی سنووری پارێزگای وان دەستبەسەر دەکرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ