رووداو دیجیتاڵ
لە پارێزگای سەمسووری باکووری کوردستان یەکێک لە دامەزرێنەرانی کۆمەڵەی لێکۆڵینەوە و پێشخستنی زمانی کوردی لقی سەمسوور 'کوردی-دەر'، بە تۆمەتی ئەندامێتیی پارتی کرێکارانی کوردستان - پەکەکە دەستبەسەر کرا.
بەپێی راگەیێندراوی داواکاری گشتیی سەمسوور، ئەمڕۆ هەینی 11ی تشرینی یەکەم، تیمەکانی هۆبەی بەرەنگاربوونەوەی تیرۆر سەر بە فەرماندەیی جەندرمە، بە ئامانجی ئاشکراکردنی چالاکییەکانی پەکەکە بەدواداچوونیان کردووە.
لەو چوارچێوەیەدا ئۆپەراسیۆنێک کراوە و یەکێک لە دامەزرێنەرانی کۆمەڵەی لێکۆڵینەوە و پێشخستنی زمانی کوردی لقی سەمسوور بەناوی "ش. یە." دەستبەسەر کراوە، بە پاساوی ئەوەی لە ساڵانی رابردوودا پەیوەندەی لەنێوان خوێندکارانی زانکۆ و پەکەکە دروست کردووە و بۆ یادکردنەوەی ئەندامانی پەکەکە چالاکی رێکخستووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ