رووداو دیجیتاڵ
بەپێی ئەنجامە بەراییەکانی هەڵبژاردنی ئەنجوومەنی نوێنەرانی عێراق 2025، پارتی دیموکراتی کوردستان توانیویەتی لە دهۆک 9 کورسی بەدەست بهێنێت، وەک هێزی پێشەنگ لە پارێزگاکە. یەکگرتووی ئیسلامیی کوردستانیش دوو کورسی مسۆگەر کرد.
لەنێو بەربژێرە سەرکەوتووەکانی پارتی، بناس دۆسکی بە 49,518 دەنگ، زۆرترین دەنگی هێناوە، پاشان فەرهاد ئەمین ئەترووشی بە 36,376 دەنگ و زیرەک زێباری بە 29,755 دەنگ دێن.
بەربژێرەکانی دیکەی سەرکەوتووی پارتی پێکدێن لە جووتیار خدر بە 29,224 دەنگ، سەلوان تەها بە 25,904 دەنگ، ئومێد تاهیر بە 23,057 دەنگ، کەوێ میرۆ بە 19,080 دەنگ، هەڵات بەرواری بە 18,086 دەنگ، و پەروین گۆران بە 9,614 دەنگ.
لەسەر ئاستی یەکگرتووی ئیسلامیی کوردستان، جەمال کۆچەر بە بەدەستهێنانی 56,282 دەنگ، زۆرترین دەنگی بەربژێرانی پارێزگاکەی بەدەست هێنا، وەک هێزی پێشەنگی ئەو پارتە، هاوکات لەگەڵ عومەر کۆچەر کە 9,363 دەنگی هێنا.
بەپێی لێکدانەوەی رووداو بۆ ئەنجامە بەراییەکان، لە سەرجەم ناوچەکانی باشووری کوردستان پارتی 29 کورسی و یەکگرتوو 4 کورسییان بەدەستهێناوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ