رووداو دیجیتاڵ
موختارێک لە باکووری کوردستان لەسەر دارگوێزێک کەوتەخوارەوە و گیانی لەدەستدا. رووداوەکە لە سنووری شارۆچکەی قاغزمان لە پارێزگای قەرس روویدا.
موختاری گوندی شاهیندەرە بە ناوی عەبدولڕەحمان شاهان بۆ تەکاندنی گوێز لە باخەکەیدا چووە سەر دارگوێزێک و کەوتەخوارەوە و بە سەختی بریندار بوو.
دوای ئاگادارکردنەوەی لایەنە پەیوەندیدارەکان، تیمە تەندروستییەکان رەوانەی شوێنی رووداوەکە کران.
شاهان لە لایەن تیمە تەندروستییەکانەوە گوازرایەوە بۆ نەخۆشخانەی قاغزمان و لەوێشەوە رەوانەی نەخۆشخانەی شاری قەرس کرا.
سەرەڕای هەوڵی پزیشکان، عەبدلوڕەحمان شاهان بەهۆی سەختی برینەکەیەوە لە نەخۆشخانە گیانی لەدەستدا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ