رووداو دیجیتاڵ
بەڕێوەبەرایەتیی گشتیی کارەبای سلێمانی دەڵێ، 93%ـی هاوبەشان بڕی هەزار دینار بۆ 100 هەزار دینار پارەی کارەبایان بۆ هاتوەتەوە.
بەپێی راگەیێندراوی بەڕێوەبەرایەتیی گشتیی کارەبای سلێمانی، کە تێیدا روونکردنەوە لەبارەی پسووڵەی کارەبای دانیشتووانی شاری سلێمانی و دەوروبەری دراوە، ئامارەکان دەریدەخەن لە سنووری بەڕێوەبەرایەتییەکانی دابەشکردنی کارەبای سلێمانی رۆژهەڵات و رۆژئاوا، کۆی گشتیی هاوبەشانی ماڵان، بازرگانی، میری، پیشەسازی و کشتوکاڵ دەگاتە 362,745 هاوبەش.
لە راگەیێندراوەکەدا هاتووە، پارەی گەڕاوە بۆ 93٪ی هاوبەشان لە 20/12/2025 تاوەکو 20/1/2026 لەنێوان 1,000 دینار بۆ 100,000 دینار بووە.
سەبارەت بەو پسووڵانەی بڕی پارەکەیان زۆرە و لە ملیۆن دینارەوە تاوەکو ملیار دینارە، کارەبای سلێمانی ئاماژەی بەوە کردووە، ئەو شوێنانە بریتین لە "کارگە گەورەکانی ئاسن، چیمەنتۆ، مۆڵە گەورەکان و پڕۆژە پیشەسازی و بازرگانییەکان."
بەڕێوەبەرایەتیی گشتیی کارەبای سلێمانی داوا لە هاونیشتمانییان دەکات بۆ هەر پرسیار و تێبینییەک، سبەی شەممە سەردانی بەڕێوەبەرایەتیی دابەشکردنی کارەبای سلێمانی/ رۆژهەڵات لە گەڕەکی قالاوا بکەن.
جەخت لەوەش دەکاتەوە کە هاونیشتمانییان لە سیستمی (KYC) خۆیان تۆمار بکەن، بۆ ئەوەی لە رێگەی نامەی مۆبایلەوە ئاگاداری بڕی پارەی بەکارهاتووی کارەباکەیان بن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ