رووداو دیجیتاڵ
بەپێی ماڵپەڕی شەفافیەت، کە تایبەتە بە داهاتەکانی سلێمانی و هەڵەبجە، داهاتی هەفتەی رابردووی پارێزگاکانی سلێمانی و هەڵەبجە زیاتر لە 32 ملیار دینار بووە. داهاتەکەش بەراورد بە هەفتەی پێشتر زیاتر لە 12 ملیار دینار زیادی کردووە.
بەگوێرەی ماڵپەڕی شەفافیەت، داهاتی پارێزگاکانی سلێمانی، هەڵەبجە، ئیدارەکانی گەرمیان و راپەڕین لە 5ـی حوزەیرانی 2023 تاوەکو 12ـی حوزەیرانی 2023، 32 ملیار و 334 ملیۆن و 845 هەزار و 92 دینار بووە.
وەکو داتاکانی ماڵپەڕەکە پێشانیدەدەن، داهاتی هەفتەی رابردوو بە بەراورد بە هەفتەی پێشتر 12 ملیار دینار زیاتر بووە، کە داهاتی هەفتەی پێشتر 20 ملیار و 120 ملیۆن و 29 هەزار دینار بووە.
داهاتەکان نانەوتین و لە رێگەی شەش گەنجینە (گەنجینەی دوو، گەنجینەی یەک، گەنجینەکانی گەرمیان، راپەڕین، چەمچەماڵ و هەڵەبجە) کۆکراونەتەوە.
رۆژی 15-12-2022، قوباد تاڵەبانی، جێگری سەرۆکی حکومەتی هەرێمی کوردستان لە پەیامێکی ڤیدیۆییدا ماڵپەڕی شەفافیەتی راگەیاند.
ماڵپەڕی شەفافیەت لە هەشت بەش پێکدێت و لەلایەن نووسینگەی جێگری سەرۆکی حکومەتەوە سەرپەرشتی دەکرێت و دروشمەکەی "بە سیستەمکردن و دیجیتاڵکردنی خزمەتگوزارییەکانی هاووڵاتییان لە دامودەزگاکانی حکومەت"ـە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ