هەڵەیەک روویدا! دووبارە هەوڵبدە
رووداو دیجیتاڵ
چوار ئەندامی خیزانێک بە گازی ماڵان لە شارۆچکەی ئەشتەرینانی پارێزگای لوڕستان گیانیان لەدەستدا.
ئەمڕۆ شەممە، 14 شوباتی 2026، واحد مەلکشاهی، بەڕێوەبەری ناحیەی ئەشتەرینان لە پارێزگای لوڕستانی رۆژهەڵاتی کوردستان رایگەیاند: "رووداوەکە شەوی رابردوو لە ناحیەی ئەشتەرینان روویداوە."
واحد مەلکشاهی گوتی: "تیمەکانی فریاکەوتن دوای ئەوەی ئاگادارکراونەتەوە کە رووداوێکی خنکان بە گاز هەیە، دەستبەجێ چوونەتە شوێنەکە."
واحد مەلکشاهی رایگەیاند، بەپێی لێکۆڵینەوە سەرەتاییەکان، رەچاونەکردنی هۆکارە خۆپارێزییەکان و رێنماییەکانی تایبەت بە دانانی زۆپای گاز، هۆکاری رووداوەکە بووە.
بەپێی ئامارە فەرمییەکانی پزیشکی دادی ئێران، تەنیا لە مانگی یەکەمی وەرزی پاییزی ئەم ساڵدا 221 کەس لە ئێران و رۆژهەڵاتی کوردستان بە گازی یەکەم ئۆکسیدی کاربۆن ژەهراوی بوون کە 11 کەسیان گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ