دیمەنی ئەو درۆنەی لە هەولێر خرایە خوارەوە.
رووداو دیجیتاڵ
ئەمشەو 'درۆنێک' لە ئاسمانی شاری هەولێر خرایە خوارەوە. گومان دەکرێت لەلایەن سیستمی بەرگریی ئاسمانیی کۆنسووڵخانەی ئەمریکاوە خرابێتە خوارەوە.
مستەفا گۆران، پەیامنێری رووداو لە شوێنی رووداوەکە راگەیاند، هێزەکانی پۆلیس و ئاسایش پارچەی درۆنەکە هەڵدەگرنەوە سەرقاڵی لێکۆڵینەوەن. درۆنەکە لای مارکێتێک کەوتووەتە خوارەوە و هیچ زیانێکی مادی و گیانیی نەبووە.
پەیامنێری رووداو دەشڵێت، دۆخی ناوچەکە ئارامە، ئەو ئاگرەی بەهۆی درۆنەکە کرابوویەوە، کۆنترۆڵ کراوە.
بەپێی ئەو ڤیدیۆیانەی بۆ رووداو نێردراون، تەنەکە کە وادەردەکەوێت درۆن بێت، لە شوێنێکی نیشتەجێبوون دەکەوێتەخوارەوە و ئاگرێکی گەورە بەرزدەبێتەوە.
تاوەکو ئێستا هێزە ئەمنییەکان و لایەنی فەرمی هیچ روونکردنەوەیەکیان لەسەر رووداوەکە نەداوە. کۆنسووڵخانەی ئەمریکاش هیچی نەگوتووە لەسەر ئەوەی کە درۆنەکە ئەوان خستبێتیانە خوارەوە یان نا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ