کۆبوونەوەی سەرۆکوەزیرانی هەرێمی کوردستان لەگەڵ سەرۆکی دەزگای هەواڵگریی نیشتمانیی عێراق
رووداو دیجیتاڵ
مەسرور بارزانی، سەرۆکوەزیرانی هەرێمی کوردستان پێشوازی لە حەمید ئەلشەتڕی، سەرۆکی دەزگای هەواڵگریی نیشتمانیی عێراق کرد و باسیان لە دۆخی گشتی و ئەمنیی عێراق و پەرەپێدانی هاریکارییە ئەمنییەکان کرد.
حکومەت دەڵێت، لە کۆبوونەوەکەدا، جەخت لە گرنگیی بەردەوامبوونی هاوئاهەنگیی نێوان هەرێمی کوردستان و حکومەتی فیدراڵ کرایەوە بە ئامانجی پاراستنی ئاسایش و سەقامگیری لە سەرتاسەری عێراقدا.
هەر لە دیدارەکەدا، بیروڕا لەسەر دوایین ئامادەکارییەکانی هەڵبژاردنی ئەنجوومەنی نوێنەرانی عێراق ئاڵوگۆڕ کرا. هەردوولا هیواخوازبوون هەڵبژاردنەکان ببێتە مایەی باشترکردنی دۆخی گوزەرانی هاووڵاتییان و خزمەتگوزارییە گشتییەکان لە عێراقدا.
خوازیاری ئەوەش بوون هەڵبژاردن هەنگاوێک بێت بۆ چارەسەرکردنی بنەڕەتیی کێشەکانی نێوان هەرێمی کوردستان و حکومەتی فیدراڵ، بە پشتبەستن بە دەستوور و رێککەوتنەکان.
راگەیێندراوی حکومەت لەبارەی کۆبوونەوەکە:
ئەمڕۆ چوارشەممە 10/15، مەسرور بارزانی، سەرۆکی حکومەتی هەرێمی کوردستان، پێشوازی لە حەمید ئەلشەتڕی، سەرۆکی دەزگای هەواڵگریی نیشتمانیی فیدراڵ کرد.
لە دیدارەکەدا، بارودۆخی گشتی و ئەمنیی عێراق تاووتوێ کرا و جەخت لە گرنگیی پەرەپێدانی هاریکاری و هاوئاهەنگی نێوان هەرێمی کوردستان و حکومەتی فیدراڵ لەپێناو پاراستنی ئاسایش و سەقامگیری کرا.
لە بەشێکی دیکەی گفتوگۆکاندا، بیروڕا لەبارەی دوایین ئامادەکارییەکانی پرۆسەی هەڵبژاردنی ئەنجوومەنی نوێنەرانی عێراق ئاڵوگۆڕ کرا و هەردوولا هیواخوازبوون ببێتە هۆی باشکردنی دۆخی گوزەرانی هاووڵاتییان و خزمەتگوزارییە گشتییەکان لە عێراق و چارەسەرکردنی بنەڕەتيی کێشەکانی هەرێمی کوردستان و حکومەتی فیدراڵ، لەسەر بنەمای رێزگرتن لە دەستوور و رێککەوتنەکان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ