رووداو دیجیتاڵ
لە چیای کۆڕەک لە ئیدارەی سەربەخۆی سۆران درۆنێک کەوتەخوارەوە. سەرپەرشتیاری ئیدارەکە دەڵێت، زیانی گیانی نەبووە.
درۆنەکە دوای نیوەڕۆی ئەمڕۆ دووشەممە 16ـی ئادار، لەنزیک چیای کۆڕەک و لە پشت قەزای خەلیفان لە ئیدارەی سەربەخۆی سۆران کەوتە خوارەوە.
هەڵگورد شێخ نەجیب، سەرپەرشتیاری ئیدارەی سەربەخۆی سۆران بە تۆڕی میدیایی رووداوی گوت: "درۆنەکە لە دەوروبەری گوندێکی سنوورەکە کەوتووەتە خوارەوە، بەڵام نزیکی ماڵەکان نەبووە و زیانی گیانی نەبووە".
لە نزیک خەلیفان درۆنێک خۆی کێشا بە چیای کۆڕەکدا و هیچ زیانێکی نەبووە pic.twitter.com/tXNjlRuxjU
— Rudaw (@Rudawkurdish) March 16, 2026
لە دوای جەنگی ئەمریکا و ئیسرائیل لەگەڵ ئێران لە 28ـی شوبات، هەرێمی کوردستان بە زیاتر لە 320 درۆن و مووشەک بۆردوومان کراوە، لەو ژمارەیە زیاتر لە 30 مووشەک و درۆنیان لە سنووری ئیدارەی سەربەخۆی سۆران کەوتوونەتە خوارەوە.
لەکاتی جەنگەکەوە تاوەکو ئەمڕۆ، زیاتر لە جارێک تاوەرەکانی پەیوەندی لەسەر چیای کۆڕەک بۆردوومان کراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ