هەڵەیەک روویدا! دووبارە هەوڵبدە
رووداو دیجیتاڵ
لە پارێزگای مووش ـی باکووری کوردستان، شوان بە مووچەی 40 هەزار لیرەش، کە دەکاتە نزیکەی 1200 دۆلار، دەستناکەوێت.
چەند ساڵێکە ئاژەڵداران بە دەست نەبوونی شوانەوە دەناڵێنن و ئەمساڵ کێشەکە زۆر گەورەتر بووە.
کەشوهەوا بەرەو گەرمبوون دەڕوات و پێویستە مەڕ و ماڵات رەوانەی لەوەڕگەکان بکرێن. ئاژەڵداران پێویستیان بە شوانە و گەنجانیش نایانەوێت شوانی بکەن، بەشێکی زۆریان بۆ کارکردن روو لە گەورەشارەکان دەکەن.
نیعمەت ساڵکم، سەرۆکی یەکێتیی ئاژەڵدارانی مووش دەڵێت، گەنجان رازین بە کارکردن بەرامبەر مووچەیەکی زۆر کەمتر لە مووچەی شوانی: "بۆیە کەرتی ئاژەڵداری کێشەی هەیە."
مووچەی بنەڕەتی شوانێک لە مووش 40 هەزار لیرە (1200) دۆلارە، بەڵام وەک نیعمەت دەڵێت "هێشتاش شوانییان دەستناکەوێت."
جگە لە مووچەی بنەڕەتی، شوانەکان خەرجیی گیرفان، پەنیر و پێستی ئاژەڵیان دەدرێتێ. شوێنی حەوانەوەشیان بۆ دابین دەکرێت.
ئاژەڵدارانی مووش خاوەنی 1.2 ملیۆن ئاژەڵی بچووک و 337 هەزار ئاژەڵی گەورەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ