هەڵەیەک روویدا! دووبارە هەوڵبدە
رووداو دیجیتاڵ
لە ئەرزەڕۆمی باکووری کوردستان کچێک لەکاتی ژوانی لەگەڵ خۆشەویستەکەی و باس و خواسی پێکهێنانی ژیانی هاوژینی، لەلایەن کەسێکەوە نامەیەکی بۆ دێت و تێیدا بە "ژنەکەم" بانگیکردووە، بەهۆی لێکەوتەکانی ئەو نامەیەوە کچەکە لە ئۆتۆمبێل خۆی هەڵدەداتە خوارەوە و بە سەختی بریندار دەبێت.
رووداوەکە ئێوارەی دوێنێ چوارشەممە 17-1-2024 لە شارۆچکەی یاقوتیەی سەر بە ئەرزەڕۆمی باکووری کوردستان روویدا. حومەیرا چ و عەبدولڕەحمان ئۆ کە خۆشەویستی یەکدین، چوونەتە دەرەوە بۆ ئەوەی جەوێک بگۆڕن و پلان بۆ پرۆسەی هاوسەرگیری دابنێن.
حومەیرا و عەبدولڕەحمان تەمەنیان 28 ساڵە و ماوەی سێ مانگە خۆشەویستی یەکدین و پلانیان وابوو لەم ماوەیەدا ژیانی هاوژینی پێکبهێنن، بەڵام نامەیەک سەرلەبەری پرۆسەکەی هەڵوەشاندەوە.
لەوکاتەدا کە بەیەکەوە بوون، نامەیەک بۆ حومەیرا دێت کە وشەی "ژنەکەم"ـی تێدا بووە. عەبدولڕەحمان بەمە تووڕە دەبێت و پەیوەندی بەو کەسەوە دەکات کە نامەکەی ناردووە و دڵنیا دەبێتەوە کە ئەو کەسەی نامەکەی ناردووە، کوڕە.
عوبدولڕەحمان بە پۆلیسی گوتووە، "دوای ئەوەی دڵنیا بوومەوە کوڕێک نامەی بۆ دەستگیرانەکەم ناردووە و بە "ژنەکەم" بانگی دەکات، بە حومەیرام گوت کە هەموو شتێک بۆ دایک و باوکی باسدەکەم، حومەیرا ترسا بەڵام پێموانەبوو کارێکی وەها بکات. ئەو لەناکاو دەرگای ئۆتۆمبیلەکەی کردەوە و خۆی هەڵدایە خوارەوە".
حومەیرا بە سەختی بریندار بوو و گواسترایەوە بۆ نەخۆشخانە و بەگوتەی پزیشکان، ژیانی لە مەترسیدایە. هەروەها عەبدولڕەحمان لەلایەن پۆلیسەوە دەستگیرکرا و گوتەی لێوەرگیرا. تیمەکانی پۆلیس دەستیان بە لێکۆڵینەوە لە راست و دروستیی رووداوەکە کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ