رووداو دیجیتاڵ
دانیشتووانی پردێ لە سنووری پارێزگای کەرکووک لە هەشت بنکەی دەنگدان چوونە سەر سندووقەکان و بەگوێرەی ئەنجامە نافەرمییەکان، رێژەی بەشداریکردن لە هەڵبژاردن سەروو 65٪ بووە.
رۆژی دووشەممە، 18ـی کانوونی یەکەم، بەختیار قادر، پەیامنێری تۆڕی میدیای رووداو لە پردێ گوتی، لە شارۆچکەی پردێ زیاتر لە 34 هەزار کەس مافی دەنگدانی هەبوو و لەو ژمارەیە 22 هەزار و 100 دەنگیان داوە و رێژەی 65٪ زیاترە.
لە پردێ هەشت وێستگەی دەنگدان هەبوون کە ئەنجامە بەراییەکان لە شەش بنکەی دەنگدان بەم شێوەیە بووە:
- لە قوتابخانەی عومەر موختار، دوو هەزار 132 دەنگ دراوە
- لە قوتابخانەی شەهیدلەر، هەزار و 607 دەنگ دراوە
- لە قوتابخانەی بێخاڵ، دوو هەزار و پێنج دەنگ دراوە
- لە قوتابخانەی ئاڵتون کۆپری، هەزار و 707 دەنگ دراوە
- لە قوتابخانەی دیلان، دوو هەزار و 65 دەنگ دراوە
- لە قوتابخانەی ئاڵتوون سوو هەزار و 537 دەنگ دراوە
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ