رووداو دیجیتاڵ
لە رووداوێکی هاتووچۆدا لە رێگەی شارەزوور - سەیدسادق دوو کەس گیانیان لەدەستدا و حەوت کەسیش بریندار بوون.
رائید موختار حوسێن، بەرپرسی بەشی هاتووچۆی قەزای شارەزوور بە تۆڕی میدیایی رووداوی گوت، رووداوەکە لە جۆری لێکدان بووە و لە نزیک گوندی مەحموود خانی روویداوە، بەهۆیەوە باوک و کوڕێک گیانیان لەدەستداوە و سەرنشینی یەک ئۆتۆمبێل بوون.
رووداوە هاتووچۆکە لەنێوان دوو ئۆتۆمبێل لە جۆرەکانی هیۆندا و تۆیۆتا کراون بووە. بەگوتەی رائید موختار حوسێن، تەرمی کوڕ و باوکەکە رەوانەی پزیشکی دادی سلێمانی کراون.
بریندارانی رووداوە هاتووچۆکەش رەوانەی نەخۆشخانەی شار کراون لە سلێمانی. بەرپرسی بەشی هاتووچۆی قەزای شارەزوور گوتی، لێکۆڵینەوەیان لە رووداوەکە دەستپێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ