رووداو دیجیتاڵ
لە هەڵبژاردنی ئەنجوومەنی پارێزگاکانی عێراق، حیزبی شیوعی لەگەڵ یەکێتی، هاوپەیمانێتیی "کەرکووک هێز و ئیرادەمانە"یان پێکهێنابوو، ئەو حیزبە دەڵێت، تاوەکو دەنگی کورد نەفەوتێت و دابەشنەبێت لەگەڵ یەکێتیی ئەو هاوپەیمانێتییەیان پێکهێناوە، ئەگەر ئەو کارەیان نەکردایە زیانی بو دەنگی کورد لە کەرکووک دەبوو.
حیزبی شیوعی کوردستان رۆژی پێنجشەممە، 21-12-2023، لە راگەیێندراوێکدا پیرۆزبایی سەرکەوتنی لیستەکەیان کرد و باسیان لەوەکرد کە کۆمیسیۆنی هەڵبژاردنەکان کەمتەرخەم بوون لە ئاستی چارەسەرکردنی کێشەکان، بەهۆیەوە خەڵکێکی کەمتر بەشدارییان لە پرۆسەی هەڵبژاردندا کرد.
لە راگەینێدراوەکەدا هاتووە، یەكێك لە ھۆكارەکانی گرێدانی ھاوپەیمانێتییان لەگەڵ یەکێتی، نەفەوتان و دابەشنەبوونی دەنگەكانی كوردستانییانی شاری كەركووك بووە كە ئەنجامەکەی بەزیان دەگەڕایەوە بۆ "دۆزە ڕەواكانمان لەو بەشە گرنگەی نیشتمان."
حیزبی شیوعی کوردستان دەڵێت، "بەدەنگەكانی حیزبمان و لایەنگرانمان و دەنگی كاندیدەكەمان، لیستەكە كاندیدێكی زیاتری سەرخست و ئەگینا ئەو كورسیەش بۆ نەیاران و ئەوانەی ناكۆكن لە بەرامبەر پرسی چارەنووسی گەلەكەمان و دیموكراسیەت."
هەروەها ئەو حیزبە باس لەوە دەکات کە ئەوان جارێکی دیکە بەرژەوەندی و دەنگەکانی خۆی خستە "خزمەتی دۆزی نیشتمانی و نەتەوایەتییەوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ